Земплинска ширява

Земплинска ширява, слов. Zemplínska šírava — преграда, рекреачна и хранена область в Михаловецком окресѣ в Кошицком краю и часточно в Собранецком окресѣ в Земплинѣ, друга найвекша водна плоха на Словаках по Оравской преградѣ. Окрем рекреации служить на заводньованя земледѣлскых готарьох и на регулацию Лаборця в припадѣ грозячой повѣни. На берегах Земплинской ширявы розмѣщены сѣм рекреачных зон.

Друга найвекша водна плоха Словакии

Земплинска ширява
Zemplínská šírava слов.
Выгляд з Клокочова
Полога
Континент	Европа
Держава	Словакия
Регионы	Кошицкый край, Земплин
Окресы	Михаловце, Собранце
Координаты	48°47′N 22°2′E
Розмѣры
Розлога	33 км2
Довжка	11 км
Ширина	3,5 км
Объем	0,335 км3
Глубина мкс	14 м
Глубина срд	9,5 м
Параметры преграды
Рок	1965
Кота	116 м н. м.
Довжка	7346 м
Инше
Тип объекта	рекреачна и хранена область
Приток воды	канал з Лаборця
Одток воды	канал ку Лаборцю, Черна вода (приток Уга)
Земплинска ширява на Викискладѣ

Полога

Земплинска ширява зачинать ся о 3 км на сѣверовосток од Михаловець, одкаль дорога ІІ. класы ч. 582 веде через рекреачны зоны и села Бѣла гора, Винне, Калужа, Клокочов, Кусин, Йовса.

История

Земплинска ширява была выставлена в роках 1961-1965, тогдышне главне назначѣня было земледѣлске и протиповѣньове. Але по первой сезонѣ указав ся великый интерес о рекреацию. В року 1968 Земплинску ширяву навщивили ¹/₂ млн людей, а в другой половцѣ 1970-х — над 1 млн особ рочно.

Од другой половкы 1980-х розвой хемкомбината Хемко Стражске, котрый выпущав одпады до Лаборця поклав зачаток упадку рекреачной популарности Земплинской ширявы. Далшый упадок настав по падѣ комунистичного режиму в року 1898. В зачатку 21. ст. рочна навщивность была лем 200 тыс. особ.^[1] В сучасности ся ситуация зачала поступно вылѣпшовати.

Жерела и одказы

• Хранена область Zemplínska šírava слов.

Тоты даны суть часточно або цалком основаны на перекладї статї Zemplínska šírava на словеньскій Вікіпедії.