Кишиньов

Кишиньов, рум. Chișinău — главный город Молдавии, найвекшый город републикы, центер ровноименной муниципии; лежить над рѣков Бык, правым притоком Днѣстра.^[2]

Главный город Републикы Молдова Кишиньов рум. Chișinău Застава Герб Держава МолдавияМолдавия Муниципия КишиньовКишиньов Приматор Ион Чебан (Ion Ceban) Координаты 47.022778, 28.83527847°01′22″ с. ш. 28°50′07″ в. д.47.022778° с. ш. 28.835278° в. д. (G) (O) (Я) Розлога 123 км² Надморска вышка 85 м Обывательство 639 000[1] особ (2019) Часова зона UTC+2, влѣтѣ UTC+3 Телефонный код +373 22 xxхxxx +373 32 xxхxxx Поштовый индекс MD-20хх Официалный сайт рум.англ.русс.

Кишиньов

Кишиньов в Молдовѣ (город и муниципия)

Од року 1995 творить окрему административну единку — муниципию Кишиньов (Municipiul Chișinău) зоз шпециалным автономным статусом, до котрой, окрем города Кишиньова входять шѣсть сосѣдных вароши (Сынджера, Дурлешты, Ватра, Кодру, Вадул-луй-Воде, Криково) и двадцять пять сел, злученых до тринадцати комунит, сумарнов плохов 635 км².^[3]

История

Перва документована споминка о Кишиньовѣ датована роком 1466, коли ту владнув молдавскый князь Штефан III. По смерти Штефана город ся достав под владу османох. Город велми потерпѣв в часѣ российско-турецкой войны в року 1788. Але поступно торговый вызнам Кишиньова выростав, По Букурештскому миру в року 1812 Кишиньов быв переданый России въедно з Басарабиев.^[4][5] По падѣ империи належав Румынии (1918–1940), 28. юна 1940 въедно з Басарабиев вернув ся в СССР «в резултатѣ догоды двох держав»;^[3] 2. августа 1940 став ся главным городом новоствореной Молдавской ССР; в року 1966 «за успѣхы в комунистичной розбудовѣ и при нагодѣ 500-роча» Кишиньов достав орден Ленина.^[5]

Газдовство, наука и култура

Кишиньов — великый промысловый центер Молдовы и вызнамный продуцент свѣтлотехникы и мѣрячой техникы, оброблячых стройох, тракторох, пумп, холодичох, райбалных машин и изолованых друтох. Меджи конарями, споеныма з агросектором, вызнамны суть винарство, млинарство и промысел табаковый. Вывинутый тыж одѣвный и обувный промысел.^[4]

Кишиньов и културный центер републикы, де суть академия наук, высшы школы (над 30) и даколько научно-выгледовных инштитуций, театры, филмовы студиа, музеи.^[3]

Жерела и одказы

• Chișinău. Encyclopedia Britannica. 26 Jan. 2020. https://www.britannica.com/place/Chisinau. [перевірено 2022-05-24].англ.
• Определение "Кишинёв" в Большой Советской Энциклопедиирусс.
• Павлинов П. С., Белых М. А. и др.. КИШИНЁВ. // Большая российская энциклопедия. Москва, 2009. Том 14, стр. 198. https://old.bigenc.ru/geography/text/2070754. [перевірено 2022-05-24].русс.
• Трёшников А.Ф. Географический энциклопедический словарь: Географические названия. /Гл. ред. А. Ф. Трёшников. — 2-е изд., доп. — М.: Сов. энциклопедия, 1989.— 592 с. ISBN 5-85270-057-6 С. 239. русс.