Кишинёв (муніципій)

Кишинё́в (рум. Municipiul Chișinău) — адміністративно-територіална єдениця другого уровня Републікы Молдова. Вӯн включать до свого состава столицю крайны, Кишинёв, 6 варошӯв тай 12 комун што близко из Кишинёвови, общыв площадёв 572 км².

У состав муніципія Кишинёв входять: Кишинёв, 6 варошӯв (Сынджера, Дурлешты, Ватра (варош), Кодру, Вадул-луй-Воде, Криково) тай 25 населеных пунктӯв, споєных у 13 комун: (Бечой, Бик, Бреїла, Бубуєч, Будешть, Бунець, Ведулень, Гідігіч, Гоян, Гоянул-Ноу, Гретьєшть, Гулбоака, Гумулешть, Доброджа, Думбрава, Келтуйторі, Колоніца, Кондріца, Крузешть, Ревака, Стеучень, Стрейстень, Тогатін, Трушень, Феурешть, Фрумушика, Чероборта, Чореску).

Пріматор

Пріматор — представницька тай исполнителна посада муніципалной рады, што убирать ся общым, руным, прямым, тайным тай слободным голосованям. Вӯн иппен є главов муніципалной державной адміністрації. Годен брати участь у засіданях муніципалной рады тай мать право рішати всі звіданя, што пудлягавуть дебатам.^[1]

Претор

Претор — особа, призначена на посаду пріматором. Вӯн є представитель пріматора (ґенералного мера) у каждому секторови и управлять ся законодавством, положенями ґенералного мера тай реґламентом. Преторови помагавуть віце-преторы, які призначавуть ся на посаду тай ослобождавуть ся из посады пріматором за пропозиціёв претора.