Комунистична Интернационала
From Wikipedia, the free encyclopedia
Remove ads
Комунистична Интернационала, або 3. Интернационала, покуртано Коминтерна, была меджинародна организация, споивша вшиткы комунистичны партии свѣта и напрямовавша меджинародный комунистичный рух.[1]
Remove ads
Взник
Закладаючый конгрес одбыв ся 4-6. марца 1919 в Москвѣ под прямым веджѣньом Ленина. Быв приятый штатут Комунистичной Интернационалы и 21 подмѣнка про партии, вступаючы до организации, выпрацованы особно Ленином, подля котрых ся мало выявити, ци е партия истинно комунистична.[1]
Фунгованя
Высшым органом Коминтерны быв конгрес, котрый выберав Выконный комитет. Сѣдлиском организации была Москва, а ведучов партиов-членков — российска компартия.[1]
В року 1927 Коминтерна мала в буджетѣ 1,374 млн рублѣ (около 700 тысяч доларох США), котры пришли яко сплаткы од членскых партий. Число членох заграничных компартий (без СССР) было 583105 особ.[2]
Заник
15. мая 1943 Президия Выконного комитета Коминтерны прияла рѣшѣня роспустити организацию. Мотивировано было тым, же «за рокы фунгованя Комунистичной Интернационалы компартии стали ся политично доспѣлыма, организачно зомкнутыма, способныма самостатно рѣшати вопросы напрямованя револучного руху».[1]
Жерела и одказы
- Украинский советский энциклопедический словарь в трех томах. / Кудрицкий А.В. и др. (ред.). Главная редакция Украинской Советской Энциклопедии им. М.П. Бажана. К., 1988. Том 2. ISBN 5-88500-002-6.
Вікісклад обсягує мултімедіалный обсяг к темі: Комунистична Интернационала
Референции
Wikiwand - on
Seamless Wikipedia browsing. On steroids.
Remove ads