Друга Интернационала

Друга Интернационала, або Социал-демократична Интернационала,^[2] была меджинародна федерация социалистичных и роботницкых партий, закладена в року 1889 в Парижу.^[3]

Суть другы вызнамы, см. Интернационала.

Друга Интернационала
Лого французской секции
Предходник	Перва Интернационала
Наступник	Комунистична Интернационала Бернска Интернационала Вѣденьска Интернационала Социалистична Роботницка Интернационала
Закладатель	Фридрих Енгелс и др.
Взник	14. юл 1889
Заник	1916
Сѣдлиско	Брусел[1]
Члены	9 млн[1]

Конгресы зберали ся не каждого року, а их резолуции не мали облигатну силу, лем моралну.^[1]

На роздѣл од предходной, Друга Интернационала была зложена зоз партий, котры мали рядно выбране веджѣня, политичны програмы и членску базу во своих державах. Народны секции брали активну участь в политичном животѣ, створьовали професионалны союзы, ишли на вольбы. Зачаток войны в року 1914 выволав кризу во федерации.

Една, найлѣвѣйша, група социал-демократох, котры были в меншинѣ, зобрали ся в Циммервалду около Берна в року 1915, жебы попробовати найти сполочну тактику на закончѣня кровопролитя. Им ся не удало закончити войну або зъединити вшиткых социал-демократох, але створили Лѣве крыло, котре подтримовало российску револуцию и поклало заклады Третьой (комунистичной) Интернационалы.^[2]

Друга,найправѣйша, менша група зобрала ся в року 1919 в Бернѣ и створили Бернску Интернационалу, яка была против револуции и диктатуры, а домогала ся лем лѣпшого живота про працуючых.^[4]

Векшина социалистичных центристичных партий сформовала в року 1921 во Вѣдню Вѣденьску Интернационалу.

В року 1923 правы и центристичны партии споили ся в Социалистичну Роботницку Интернационалу.

Жерела и одказы

• Berne International. //James C. Docherty, Peter Lamb: Historical Dictionary of Socialism. 2nd ed. 2006. P. 52.ISBN 978-0-8108-5560-1
• Украинский советский энциклопедический словарь в трех томах. / Кудрицкий А.В. и др. (ред.). Главная редакция Украинской Советской Энциклопедии им. М.П. Бажана. К., 1988. Том 1. ISBN 5-88500-001-8.
• Second International, labour federation and political organization (1889). //Encyclopaedia Britannica
• "The Second International" на Marxists.org.