Лестер Аллан Пелтон

Лестер Аллан Пелтон (*5. септембер 1829 — †14. марец 1908) быв америцкый вынаходник, котрый додав вызнамный принос ку розвою гидроенергетикы в США и в цѣлом свѣтѣ. В конци 1870-х вынайшов водне колесо Пелтона, в тот час найефективнѣйшу конштрукцию импулзной водяной турбины. Быв вызнаный едным из отцьох гидроелектрарень, вызнаменаный медальов Еллиотта Крессона и титулованый поволанцьом Народной Сѣни Славы Вынаходникох.^[1]

Лестер Аллан Пелтон Лестер, Аллан • Pelton
Lester Allan Pelton
Америцкый инженер-механик
Чинность	вынаходник, тесляр
Горожанство	США
Уроджѣня	септембра 5., 1829(1829-09-05)
Вермилион, Огайо, США
Упокоеня	марца 14., 1908 (78 р.)
Оукленд, Калифорния, США
Награды
медаль Елліота Крессона, Національна зала слави винахідників США
Лестер Аллан Пелтон на Викискладѣ VIAF:68813104; GND:1105480917; LCCN:nr94028829; FAST:344509; Ту можуть быти податкы з Wikidata, не контролованы авторами статѣ

Биография

Родив ся во Вермилионѣ, Огайо. В добѣ золотой горячкы, в року 1850 одышов до Калифорнии, але не повело ся му збогатѣти на вымываню золота. Зачав працовати яко тесарь при выставбѣ млинох. Ту ся водны колеса поуживали в горництвѣ и их выкон быв недостаточный. Пелтон в конци 1870-х придумав, як схосновати кинетичну енергию водного сика, радше як просту вагу воды в потоцѣ. Поступно вывинув колесо зоз двоитыма черпаками, котре могло ефективно выхосновати енергию невеликой масы воды, летячой з великов скоростьов. По далшых експериментах досяг ефективность понад 90% попри тому, же иншы тогдышны водны колеса при найлѣпшом мали ефективность 40%.^[1]

Вызнам вынахода

Вынаход Пелтона зробив електроенергию туншов и вытѣснив дорогы паровы моторы з горництва в западных штатах. Пелтон з компаниов San Francisco machine shop основав компанию Пелтоновы турбины (Pelton Water Wheel Company). Малы гидроелектрарнѣ выставлены тов компаниов на западѣ США суть в ходу доднесь. Ефективность Пелтоновой турбины зробила ю идеалнов про гидроенергетику.^[1]