Марія Мачошкова

Марія Мачошкова (народжена 30. марца 1940 в селї Потічкы) є популарна співачка русиньскых народных співанок. Подля многых є Марія Мачошкова найзнаміша русиньска народна співачка ^[1].

Русиньскы умелцї (М. Мачошкова друга справа)

Біоґрафія

По скінчіню міщанкы в Стропкові М. Мачошкова вступила до втогдышнёго Піддуклянського українського народного ансамблю в Пряшові (теперь ПУЛС), де выше сорок років (1956 – 1998) выступала як хорістка і перша солістка. В 1964 роції выступала з Державным орхестром народных інштрументів радія Брно і з Орхестром цімбалїв Яношка в Празї. М. Мачошкова є челнов популарізаторков русиньской народной музикы і співу нелем в Пряшівскім краю, але і по цїлій втогдышнїй Чехословакії по Другій світовій войнї. Із зачатком 1960-ых років фактічно каждый рік путовала і співала з Піддукляньскым україньскім народным ансамблём або з Орхестром радія Брно в різных европскых країнах і в Северній Америцї. М. Мачошкова была із соловыма концертами в США, де в 1969 роцї выступила на першім народнім фестивалї в Лемко-парку в містї Монро (Ню Йорк). Голос М. Мачошковой мож чути з многых платень, казет і ЦД. В роцї 1985 была оцїнена честным титулом Заслужена умелкыня Чехословакії.^[2][3]

Выбор з творбы

• 2003: Заспівайме собі трёма голосами - Let´s sing together in trio - ,MC, CD (Марія Мачошкова, Анна Сервіцка, Андреа Сикорякова) ^[4]
• 2004: Три звізды трёх ґенерацій - Three stars Three generations - ,MC, CD (Марія Мачошкова, Анна Сервіцка, Андреа Сикорякова)
• 2007: Чорны очі як терен – Марка Мачошкова a Анна Порачова, ĽH Ondreja Kandráča a hostia z ĽH Železiar — Folklórne združenie Anička R209 0001-2-731, CD ^[5]

Жрідла

• Павел Роберт МАҐОЧІЙ //Енциклопедія історії та культури карпатських русинів (зоставителї П. Р. Маґочій і І. Поп). Ужгород: Видавництво В. Падяка, 2010. Сс. 454-455
• 29. 3. 2020: Все молода Марька Мачошкова.... Академія русиньской културы на Словеньску. http://www.cms3.rusynacademy.sk/?29-3-2020-Все-молода-Марька-Мачошкова. [перевірено 2020-03-29].
• MÁRIA DUDOVÁ-BAŠISTOVÁ (19. okt 2016). Marka Mačošková spieva už šesťdesiat rokov. Korzár Prešov. https://presov.korzar.sme.sk/c/20357975/marka-macoskova-spieva-uz-sestdesiat-rokov.html. [перевірено 2020-03-29].