Нагорный Карабах (автономна область)

Нагорнокараба́шска автоно́мна о́бласть (НКАО) (азер. Дағлыг Гарабағ Мухтар Вилајәти/Dağlıq Qarabağ Muxtar Vilayəti, арм. Լեռնային Ղարաբաղի Ինքնավար Մարզ) — автономна область, бывша в роках 1923—1991 частьов Азербайджанской ССР, обывана переважно етничныма Арменами.^[3]

Суть другы вызнамы, см. Нагорный Карабах.

Автономна область АзССР

Нагорнокарабашска автономна область
Нагорно-Карабахская автономная область Լեռնային Ղարաբաղի Ինքնավար Մարզ, ԼՂԻՄ Дағлыг Гарабағ Мухтар Вилајәти, ДГМВ / Dağlıq Qarabağ Muxtar Vilayəti, DQMV
Застава и герб
Держава	СССР
Подрядность	Азербайджанска Совѣтска Социалистична Република, Азербайджан
Заложѣня	7 юлій 1923
Розлога	4400 км2
Обывательство	180 000 особ (1987)[1]
Центер	Степанакерт 39°48′55″N 46°45′06″E
Зложѣня	5 районы, 2 городы, 6 мѣстечок
Язык	арменскый, русскый, азербайджанскый
Взникнутя Заникнутя	7. юл 1923[1] 20. януар 1989[2]де факто
*** VIAF:131280644; Ту можуть быти податкы з Wikidata, не контролованы авторами статѣ

Районы НКАО в року 1988

История

Од року 1805 (а дефинитивно од 1813) Карабахске ханство было под владов России. По револуции 1917 националисты, подтриманы заграничнов интервенциев, спровоковали меджиетничны конфликты. Совѣтска влада, установлена в Карабаху в маю 1920, рѣшила проблему так, же 7. юла 1923 створила Нагорнокарабашску автономну область (НКАО) на територии Азербайджанской ССР. Отдѣлена од Арменской ССР на западѣ Карабахскым гребеньом, НКАО так ся стала меншинсков енклавов вдну Азербайджана и спокойно ся розвивала за многы десятьроча совѣтской влады.^[3]

Але в року 1988 етничны Армены Нагорного Карабаха имили ся агитовати за передачу своей области под юрисдикцию Армении, против чого остро выступили як Азербайджанска ССР, так и централна влада СССР. Выострѣня конфликта донутило централну владу од 20. януара 1989 призоперти функции областной влады и нарядити в НКАО шпециалну администрацию из Москвы, хоть формално статус автономии не быв скасованый.^[2]

26. новембра 1991 Верховна Рада Азербайджана прияла рѣшѣня о скасованю НКАО.^[4]. Понеже Комитет Конштитучного дозора СССР выголосив тото рѣшѣня неконштитучным,^[5] формално НКАО екзистовала до роспада СССР 26. децембра 1991.^[6]

Административно автономная область была роздѣлена на:

• город Степанакерт — административный центр области;
• 5 районы
  • Аскеранскый (до 1978 — Степанакертскый);
  • Гадрутскый район;
  • Мардакертскый;
  • Мартунинскый;
  • Шушинскый.

Обывательство

Динамика 1921–1989^[7]

Етнична група	1921		1926		1989
	Число	%	Число	%	Число	%
Армены	122 426	94,73%	111 694	89,14%	145 450	76,92%
Азербайджанцѣ	6 550	5,07%	12 592	10,05%	40 688	21,52%
Русы			596	0,48%	1 922	1,02%
Область	129 243	100%	125 159	100%	189 085	100%
Указаны групы з числом од cca 0,5%

Обывательство области в зачатку 1920-х переважно было арменске (cca 95%), а лем незначна часть была азербайджанска (cca 5%). За рокы екзистованя НКАО частка Арменох упала од 94,7% до 76,9%, при том частка Азербайджанцьох выросла на четыре раз векшу, од 5,1% до 21,5%, што указуе на културны и економичны тяжкости, до котрых ся мѣстне арменске обывательство достало под совѣтскым азербайджанскым проводом и котры го вели ку емиграции до Армении и до Баку.^[8]

В городах (Степанакерт, Шуша) и мѣстечках жие cca 48% обывательства.^[1]

Газдовство

Промысел стоить на выхоснованю мѣстных сыровин. На 1. мѣстѣ потравиновый конарь: главнѣ винарство (Степанакерт, Гадрут, Мартуни, Мардакерт, Аскеран, Ленинаван, Красный Базар) и маслосырна продукция. Розвитый лѣсный и деревопромысел, выроба бутору, выроба ставебных материалох. Важным продуцент тыж Степанакертска електротехнична фабрика. Централный город мать ай великый шовковый комбинат, обувну, коверцьову и одежну фабрикы. В купельовом городѣ Шуша — фабрика восточных музичных инштрументох.^[1][9]

Жерела и одказы

• "Nagorno-Karabakh". Encyclopedia Britannica (online). 12 Nov. 2020. https://www.britannica.com/place/Nagorno-Karabakh. [перевірено 12 July 2022].англ.
• Нагорно-Карабахская автономная область. Большая Советская Энциклопедия (online). http://bse.sci-lib.com/article079682.html. [перевірено 2022-07-13].русс.
• Кудрицкий А.В. и др., ред.. Украинский советский энциклопедический словарь в трех томах. 2. Киев: Главная редакция Украинской Советской Энциклопедии им. М.П. Бажана, 1988 —. Сс. 461–462. ISBN 5-88500-002-6.русс.
• Трёшников А.Ф., ред.. Географический энциклопедический словарь: Географические названия. /Гл. ред. А. Ф. Трёшников. (2-е изд., доп. ed.). Москва: Сов. энциклопедия, 1989.— 592 с. C. 584. ISBN 5-85270-057-6.русс.