Нѣредьгаза

Нѣредьгаза, мад. Nyíregyháza — административный центер жупы Саболч-Сатмар-Берег, город з правами жупы, семый найвекшый город Мадярщины.

Город з правами жупы Нѣредьгаза Nyíregyháza Застава Герб Держава МадярщинаМадярщина Жупа Саболч-Сатмар-БерегСаболч-Сатмар-Берег Мер Др. Ференц Ковач Координаты 47.953056, 21.72722247°57′11″ с. ш. 21°43′38″ в. д.47.953056° с. ш. 21.727222° в. д. (G) (O) (Я) Розлога 274,54 км² Надморска вышка 116 м Обывательство 116 799[1] особ (2019, 1. януар) Часова зона UTC+1, влѣтѣ UTC+2 Телефонный код +36 42 Поштовый индекс 4400 Официалный сайт мад. Нѣредьгаза

Городска радниця, Кошшутова площа

Жупный уряд Саболч-Сатмар-Берег

Фрагмент сканзена при Соленом озерѣ

Полога

Лежить в сѣверовыходной части Мадярщины, на перекрестю четырьох главных автодорог так, же путуючый з иншых частей державы до Подкарпатя або сѣверной части Румынии майже бизовно буде ити через Нѣредьгазу.

История

Перва упоминка походить з року 1209, тогды еще осада звала ся Nyír Нѣр, в року 1326 уже мали церкву, одты до имена додало ся egyház едьгаз (церква). В року 1786 Нѣредьгаза достала статус мѣстечка (mezőváros) и мала право четыри раз в року держати велику торговицю, а в року 1837 ку тому додали ся шпециалны кральовскы привилегии, и в резултатѣ вывинули ся културны общества, выставили городску болницю, городску радницю, готел при Соленом озерѣ. В року 1858 зачала ходити желѣзниця, в року 1878 Нѣредьгаза стала ся административным центром жупы Саболч.^[2]

Обывательство

Максимум обывательства быв досягнутый в року 2011: 119 746 особ. Подля списованя найвекшыма етничныма меншинами были:^[3]

Народностны меншины (2011)

Народность	Особ
Ромы	2208
Нѣмцѣ	613
Украинцѣ	465
Русы	337
Румыны	305

Газдовство

Пѣсковата земля в околици города добра на цукровый бурак, кромплѣ, доган. Продукують тыж просонцвѣт, мак, дынѣ, грызачкы, барацкы, а якмай, яблока. Ховають свинѣ ай иншый статок. Нѣредьгаза — традичный центер торговли земледѣлсков продукциов. Од зачатку XXI. стороча значно выросла продукция легкого промысла, найважнѣйшы конарѣ мѣстного промысла суть гумарскый, папѣрьовый, хемичный, выроба бавок и електроникы.^[4]

Туристичны атракции

• Зоологична заграда, де мож видѣти понад 500 видох звѣрины, меджи нима вельо необычайных.
• Курорт Sóstó (Солене озеро)^[4]
• Етнографичный сканзен (около курорта), де представлены будовы з пятьох регионох Мадярщины.^[5]

Жерела и одказы

• Лобанов М. М., Желицки Ч. Б. НЬИРЕДЬХАЗА // Большая российская энциклопедия. Том 23. Москва, 2013, стр. 408-409 Редаговане: 2017. Одчитане: 13.07.2020
• Nyíregyháza. Encyclopædia Britannica. June 10, 2019. https://www.britannica.com/place/Nyiregyhaza. англ.
• Magyarország közigazgatási helynévkönyve (PDF). Központi Statisztikai Hivatal. 2019. január 1.. https://www.ksh.hu/docs/hun/hnk/hnk_2019.pdf. [перевірено 2020-07-13]. мад.англ.
• Népszámlálás (PDF). Központi Statisztikai Hivatal. 2011. http://www.ksh.hu/nepszamlalas/tablak_teruleti_16. [перевірено 2020-07-13]. мад.
• Várostörténelem. https://www.nyiregyhaza.hu/varostortenelem. [перевірено 2020-07-13]. мад.