Румыны

Румыны, рум. Români (чит.: Ромыни), застарѣлый екзоним Влахы, Волохы — народ романской языковой групы индо-европской родины, основне обывательство Румынии. Подкарпатскы призвиска Волошин, Волох, Волос,^[49] або Олаг, Олах, Олашин,^[50] — указують на людей румынского походжѣня (Oláh — мадярскый екзоним про Румынох).^[51]

Румыны
рум. Români

Mihai Eminescu • George Enescu • Alexandru Ioan Cuza • Victor Babeș
Популация
24—30 млн.[1][2][3] (Зарахованы Молдаване як подгрупа, што е предметом научного спора)
Регионы зо значнов популациов
Румыния (2011 Romanian census) 16,792,868[4] Молдова (2014 Moldovan census) 192,800 (+2,068,058 М)[5][6]
Италия1 1,151,395[7] (+150,021 М) [8] Германия1 1,130,789 (+14,815М) [9][10][11] Испания1 1,117,597 (+17,677 М) [12][13] Украина1 150,989 (+258,619 М) [14] Велика Британия 233,000 [15] Франция 200,000 [16] Россия1 3,201 (+156,400 М) [17] Австрия 102,242 [18] Белгия 65,768 [19] Греция1 46,523 (+10,391 М) [20] Португалия1 31,505 (+8,460 М) [21] Мадярщина 35,641 [22] Швеция1 27,974 (+938 М) [23] Дания1 24,422 (+686 М) [24] Кипр 24,376 [25] Нидерланды 23,020 [26] Швайц 21,593 [27] Ирландия 17,995 [28] Норвегия 11,068 [29] Чехия1 10,826 (+5,260 М) [30][31] Словакия 4,941 [32] Болгария 891 (+3,684 Влахы) [33] Луксембург 2,527 [34] США1 518,653–1,100,000 (+7,859 М) [35][36][37] Канада1 204,625–400,000 (+8,050 М) [38][39] Бразилия 33,280–200,000 [40] Венесуела 10,000 [41] Аргентина 10,000 [42] Австралия 20,998 [43] Новый Зеланд 3,100 [44] Израел 205,600 [45] Казахстан 14,666 [46][47] Япония 10,000 [48]
Языкы
Румынскый язык
Религия
Переважно православие, тыж католицизм и протестантизм
Близкы етничны групы
†Влахы, Молдаване, Арумыны, Меглено-Румыны, Истро-Румыны
Зазначкы
1 Число горожанох Румынии зазначено як основне, а горожанох Молдовы як додаточне в той державѣ.

Румыны Закарпатской области в танцю

Етногенеза

На формованю румынского народа участнили ся племена Дакох, Гетох и др., населявшы бывшы римскы провинции Дакию (Dacia) и Мезию (Moesia), котры ся романизовали в добѣ римского панованя (106—271 рокы н. е.), як тыж и слободны Дакы, не дознавшы романизацию, и Славяне, котры од 6 ст. зачали вплывати на етногенезу Румынох. Тоты компликованы процесы етничного вывою завершили ся на склонку первого тысячроча сформованьом восточнороманской народности и языка. Од 10 ст. византийскы, славянскы, а пак и мадярскы жерела упоминають Румынох под именами «Вlácoí», «Влахы», «Волохы».^[52]

Штатны утворы

Передходцями сучасной румынской державы были два феодалны князьовства: Князьовство Валахия, або Унгровалахия лат. Transalpina, рум. Țara Românească (чит. Цара Ромыняске, 1310–1859), и Князьовство Молдова рум. Țara Moldovei (чит. Цара Молдовей, 1346–1859). Оба споив в року 1859 под своев владов князь Александру Йоан Куза. В року 1862 споены князьовства утворили державу Румыния.^[51]

Културный вывой

Румыны, як и Русины, были историчным народом Мадярского кральовства од его зачатку и были в числѣ тых, котры з найменшыма утратами пережили пустошѣня, причинене татаро-монголсков ордов в 13. ст.^[53] Языковы роздѣлы не мали тогды практичный вызнам (аристокрация комуниковала латинов, а прощава языком своей комуниты), сполоченскы роздѣловы линии были двѣ: пан-слуга и вѣра. Румыны (Волохы) были православной вѣры. Рукописный памятник русинской литературы Няговска Постилла од середины 16. ст. потовмачив и выдав по румынскы в Брашовѣ диакон Коресь (Coresi: Evanghelia cu învățături, 1564).^[54][55] Ту опис Румынох Мадярского кральовства, што ся во многому згодуе з описом Русинох од Годинкы, Духновича або Жатковича.

„	Бороду не носять. Зависимо од мѣста бываня суть земледѣлцѣ, скотарѣ, банници, дереварѣ. Суть добродячны, послушны, безконечно терпезливы, честують закон, побожны, невыбагливы, вытривалы и роботны, економны, конзервативны, тяжко рѣшають ся на дашто, свому добродѣтелю все вдячны, але уперты, недовѣрчивы, подозривы, злопамятны и мстивы. Люблять алкогол, главнѣ паленку, до крайности бабонны, легко погрѣшать против права властности, в културѣ заосталы, хоть барз наданы.	”
Oláhok. //Révai nagy lexikona.

Народна ноша румынска таксамо во многому напоминать русинску, але фарбы суть пестрѣйшы и острѣйшы. Танцѣ румынскы барз темпераментны.

Закарпатскы румынскы села суть притяжливым туристичным объектом и видительно указують, же днешны Румыны змогли ся розвити свои лѣпшы якости з минулости, але и во многому змѣнили ся в духу часу.^[56]

Жерела и одказы

• 1-21. köt. Révai Testvérek Irodalmi Intézet Részvénytársaság, Budapest. 1911–1935. Том 14, сс. 673-675.
• Чучка, Павло. Прізвища закарпатських українців: Історико-етимологічний словник.— Львів: Світ, 2005. — 704+ХLVIII с. ISBN 966-603-279-1.
• Bindorffer Györgyi: Jövevényektől az államalkotó tényezőig. Nemzetiségek és nemzetiségpolitika Magyarországon 1790-től napjainkig.
• Румыны. //Большая Советская Энциклопедия.