Органела

Органелы суть микроскопичны штруктуры в тѣлѣ бунок, котры выконують шпецифичны функции. Тот термин операть ся на понятя органа, указуючи, же их фунгованя в бунцѣ е подобне фунгованю органох в организмѣ.^[1][2] Органелы ся находять в бунках животин, ростлин и бактерий.^[3]

Схема животинной бункы. Органелы:
(1) ядерко,
(2) ядро,
(3) рибосома, побрызк в (5),
(4) везикула,
(5) грубый ендоплазматичный ретикулум (rER),
(6) апарат Голджи,
(7) цитоскелет,
(8) гладкый ендоплазматичный ретикулум (sER),
(9) митохондрия,
(10) вакуола,
(11) цитоплазма,
(12) лизосома,
(13) центриола

В животинных и ростлинных бунках кажда органела оддѣлена од окружѣня властнов мембранов: тото давать таку выгоду, же може мати одмѣнны хемичны условия, напримѣр pH, не нарушуючи условия в цѣлой бунцѣ.^[3]

Типы и число

Типы и число органел мѣняють ся, зависимо од назначѣня бункы. Найважнѣйшы органелы суть ядро, ендоплазматичный ретикулум, апарат Голджи, митохондрии, а у ростлин хлоропласты. Мускуларна бунка мать веце митохондрий, котры суть «фабриков енергии», бо тото е потребне про ефективну роботу такого типа бунок. Выимков суть еритроциты, червены кровинкы, котры не мають ниякы органелы, ани генетичный материал, ани ядро, бо их назначѣня е переносити гемоглобин.^[3]

Жерела и одказы

• Прохоров А. М. (гл. ред.). Большой энциклопедический словарь. Москва: Советская энциклопедия, 1993. 1630 с. ISBN 5-85270-015-0.
• Тимченко А. Д. Краткий медико-биологический словарь. Киев. Вища школа. 1988. ISBN 5-11-000102-2.
• What are Organelles? //WiseGEEK, clear answers for common questions