Отцюзнина (журнал)

Журнал „Отцю́знина“ є пудкарпатськоє русинськоє културно-белетричноє періодичноє уданя, котроє уходит кажджі три місяці. За уданя журнала сут зоповідні Закарпатськоє обласноє научно-културолоґічноє общество им. А. Духновича тай Русинськый културолоґічный клуб. Головным редактором журнала є Юрій Шипович, координатором проєкта є Юрій Продан, за коректуру зодповідный Томаш Калинич, за верстку, дизайн тай вебсайт — Петро Біров. Редакційну колеґію творят: Петро Біров, Петро Габрин, Томаш Калинич, Михаил Куцкір, Павел Леньо, Юрій Продан, Іґорь Прохненко, Маріан Токар, Володимир Фенич, Юрій Шипович.^[1]

Історія

Перші десять чисел (2016–2018)

Обновлена „Отцюзнина“ (2023–)

Зачинавучи авґустом 2023. рока, вдяку фінанчнуй помочи Карпаторусинського научного центра в Ню Йоркови, журнал быв удроженый тай удає ся дотеперь.^[2]

Уєдно из обновленов верстков, журнал дустав ищи вебсайт, на котрый трафлявут як анонсы будучных чисел тай подій и матеріалы из печатної верзії, так и другі статі.

Правописна комісія

У юнійови 2024 рішеньом редакційної колеґії журнала „Отцюзнина“ тай професора Павла Роберта Маґочія была закладена правописна комісія про журнал. Комісія зачала роботу 13. септембра того такой року, справивши своє першоє засіданя.^[3] Чекат ся, ож она ся буде занимати стандартизаційов правописа журнала тай уєдно из тым другых проєктув „Русин-Клуба“.

Рубрикы

На днешньый день „Отцюзнина“ обсягує такі рубрикы:

• „Історія нашої землі“ — історичні матеріалы уд пудкарпатськых історикув, археолоґув тай академікув.
• „Русинськый язык“ — лінґвістичні статі уд коректора журнала Томаша Калинича (сперед тым ся называла „Лінґвістика“; писала статі товды была бывша коректорка Анна Меґела).
• „Актуалноє інтервю“ — інтервю из знамыма пудкарпатськыма русинами, котрі головно шорит головный редактор журнала Юрій Шипович.
• „Сохташ“ — статі за традиції тай звыкы русинув.
• „Зелена Отцюзнина“ — рубрика за еколоґію Пудкарпатя.
• „Новинкы жытя карпаторусинув“ — рубрика из актуалныма вістями за русинськый живот.
• „Вызнамні карпаторусины“ — біоґрафічні тай енциклопедичні матеріалы за знамых русинськых діятелюв.
• „Умілство“ — рубрика за русинськоє уміня.
• „Сокацтво“ — рубрика из рецептами народного ідіня.
• „In memoriam…“ — рубрика из меморіалныма статями за покуйных узнамных русинув.

Удкликованя

• Вебсайт журнала „Отцюзнина“
• Архів діґіталных верзій журнала