Перва Интернационала

Перва интернационала, называна тыж Меджинародна Асоциация Працуючых, англ. International Workingmen's Association (IWA),^[1] была громадна меджинародна организация пролетариата, меджи неформалныма закладателями и ведучыма особами котрой были Карл Маркс и Фридрих Енгелс.^[2] В Первой Интернационалѣ было барз мало марксистох, а много анархистох,^[3] веденых Бакунином и др. Высшым органом быв каждорочный конгрес.^[2]

Суть другы вызнамы, см. Интернационала.

Перва Интернационала
Лого испанской секции Первой Интернационалы
Наступник	Друга Интернационала
Закладатель	Карл Маркс Фридрих Енгелс Михаил Александрович Бакунин
Взник	28. септембер 1864
Заник	15. юл 1876
Сѣдлиско	Лондон (1864-1873) Ню Йорк (1873-1876)
Члены	5-8 млн

На конгресѣ в року 1872 организация ся росколола через остры потычкы меджи марксистами и анархистами. Маркс, жебы не допустити доминацию анархистох, добив ся перенесѣня сѣдлиска организации до Ню Йорка. Бакунисты проводили в роках 1873-1877 окремы конгресы, але и они не годны были утримати едность организации и она заникла.^[4]

Жерела и одказы

• Украинский советский энциклопедический словарь в трех томах. / Кудрицкий А.В. и др. (ред.). Главная редакция Украинской Советской Энциклопедии им. М.П. Бажана. К., 1988. Том 1. ISBN 5-88500-001-8.
• First International, labour federation (1864). //Encyclopaedia Britannica