Расова сегрегация

Расова сегрегация, од лат. segregatio одокремлѣня — практика ограничѣня людей до бываня на окресленой територии, або до одокремленых инштитуций (як школы, церквы) и служб (паркы, игриска, рештаврации) на основѣ их расы.^[1]

Рештаврация з окремыма входами про бѣлых и фаребных,
Дарем, Сѣверна Каролина, США, 1940

Формы

Можуть быти практикованы двѣ формы расовой сегрегации: инштитуционална и териториална. Инштитуционална реализуе ся в розличных сферах живота сполоченства — во школствѣ, здоровництвѣ, транспортѣ, службах — через створѣня паралелных инштитуций, або в рамках едной инштитуции окремых секций про оддѣлены расы. Териториална — через створѣня окремых зон и територий бываня про оддѣлены расы, котра ся зъявно указала в политицѣ апартеиду в ЮАР (1948-1994).^[2]

История

В найновшой истории расова дискриминация мала за цѣль утвердити высшый статус и економичны перевагы политично доминуючой популации, векшинов бѣлой расы над фаребными. Але исторично розличны добывателѣ — як Монголы в Азии, Банту в Африцѣ, Ацтекы в Америцѣ — хосновали сегрегацию на покореной популации.^[1]

Сучасность

Хоть официално расова сегрегация в сучасности не ествуе, в расово мѣшаных комунитах часто де факто расовы групы жиють в окремых районах и так суть сегрегованы териториално. Наслѣдком того в тых районах суть и сегрегованы школы, службы.^[3]

Жерела и одказы

• Racial segregation. //Encyclopaedia Britannica. англ.
• Сегрегация (социальная). //Большая Советская Энциклопедия. англ.
• Раджини Вайдьянатан: Почему чернокожие и белые американцы не живут вместе? //Русская служба ВВС. русс.