Силвестер Саламон

Силвестер Саламон (анґл. Sylvester Salamon^[1] *5. август 1912, Беркасово, Мадярске кральовство, дн. Сербия — †21. януар 1988, Бербанк, Калифорния, США) — священик и поет з войводинскых Русинох.^[2]

Силвестер Саламон Сильвестер • Salamon
Чинность	священик, поет
Горожанство	Социалистична Федеративна Република Югославия, США
Уроджѣня	авґуста 5., 1912(1912-08-05)
Беркасово, Войводина, Мадярске кральовство
Упокоеня	януара 21., 1988 (75 р.)
Бербанк, Калифорния, США
Influenced by	Гавриил Костельник
Encyclopedia of Rusyn history and culture (2005) Ту можуть быти податкы з Wikidata, не контролованы авторами статѣ

Як живи предомну става воднє
Полни моци и задумох вельких...
И патриот и зраднїк в першей хвилї.
А кед могуче слово почнє сипац,
Осуд барз чежко процив нього зложиц.

Силвестер Саламон: Гавриїлови Костельникови^[1]

Биография

Абсолвовав класичну гимназию в Загребѣ (1925–1933) и грекокатолицку теологичну академию во Львовѣ (1933–1936). Оженив ся з галичанков Мариов Иванчук. Быв высвяченый на священика (1937) и вернув ся до Югославии, де служив по розличных грекокатолицкых парохиях, а наостанок во своем родном селѣ Беркасовѣ (1943–1953).

В року 1953 з жонов и четырьома дѣтми емигровав до США, раз до Огайо, пак до Калифорнии, де служив про Украинску Католицку Церкву до пензии. Его послѣдна адреса была: Rev.Sylvester Salamon, 1755 El Cerrito Place Los Angeles, California 90020.^[1][2]

Творба

Саламон зачав писати ещи яко гимназиста (1925).^[1] За 5 рокы во Львовѣ на него вплынув Гавриил Костельник, котрый го пригваряв писати поезию и прозу. Ещи там выдав свою перву зберьку дѣточой поезии Нашим дзецом (1936). Вернувши ся до Войводины, публиковав розличны роботы в русинскых новинках и алманахах. Штил его писаня позначеный рафинованым поглядом на свѣт и податливостьов на вплывы сучасной ему авантгарды. Окрем поезии писав повѣданя, есеи, путны записы и литературну критику. Посмертно в Новом Садѣ выданый его двотомник Вибрани твори (1988, 1989).^[2]

Жерела и одказы

• Paul Robert Magocsi. Salamon, Silvester. in Paul Robert Magocsi, Ivan Pop. //Encyclopedia of Rusyn History and Culture (Revised and expanded ed.). Toronto; Buffalo; London: University of Toronto Press, 2005. p. 446. doi:10.3138/9781442674431. ISBN 0-8020-3566-3.англ.
• Силвестер Саламон – Писнї (1973) (pdf). Завод за културу войводянских Руснацох. https://zavod.rs/biblioteka/elektronska-baza/druge/. [перевірено 2022-08-03].