Синевир
From Wikipedia, the free encyclopedia
Remove ads
Синевир — озеро в Закарпатской области Украины. Плоха 0,07 км2, глубина до 24 м. Лежить в Горганах в котлинѣ, котря ся вытворила горскым ссувом.[1]
Remove ads
Живый свѣт озера
В озерѣ жиють пстругы, але лапаня заказане.[2] Озеро окружене смерековыма лѣсами, приступаючыма ку самому берегу.
Пстругы Синевирского озера суть шпециалного подвида, котрый ся одличуе од рѣчковых пстругох скоршым ростом и векшов плодностьов. В року 1954 областна новинка писала, же тот подвид пструга надзвычайно цѣнный про племенне пестованя.[3]
Од року 2004 озеро под числом 1400 записано до списка храненых мокрин Ramsar яко Народный Парк Синевир. В регистрачном опису меджи храненыма видами зазначеный племенитый рак Astacus astacus и флора, котра е хранена подля Червеной книгы Украины.[4]
Remove ads
Туристика
Главный вызнам озеро мать яко туристичный объект.[1] Синевир — едине в области озеро односно великого розмѣра, его плоха около 7 га, середня глубина 15 м.[5]
В року 1924 добрый знатель Подкарпатской Руси др. Йиржи Крал, пише о озерѣ Ozero во вышцѣ 989 м под горов Ozirňou (1500 м), нияк не споминаючи о его туристичном вызнамѣ. Под назвов Sinivir споминать лем село.[6]
В року 1956 совѣтска география познавала озеро под назвов Синевирске озеро, циже озеро, котре находить ся при с.н.п.[7] Синевир.[8]
| „ | Закарпатя мать 32 озера, але найвеце познате Синевирске озеро, положене на сѣверовостоку Межгорского района во вышцѣ 987 м. Сюды доста рѣдко загостюють туристы, а шкода, бо се озеро з прозрачнов водов, невеличкым малебным островком посерединѣ, зарамоване в густу зеленяву — едно з найкрасшых в Закарпатю.
|
” | |
Од конця 1950-х озеро, по выставбѣ доброй дорогы и пансионата, ставать ся атрактивным туристичным объектом. Про туристох додавали новы а новы службы и объекты, была выгадана примитивна легенда о взнику озера, выготовлены деревяны рѣзбы, зображуючы поставы Синѣ и Вира, «геройох» той легенды. Туристика давать заробок многым мѣстным обывателям. Назва Синевир в сучасности вяже ся з озером, а не з селом, як то было колись.[9] Туристичный объект Siněvirské jezero барз популарный и у чешскых туристох.[10]
Remove ads
Жерела и одказы
- Dr. Jiří Král. Podkarpatská Rus. V Praze, nákladem vlastním, 1924.
- Анучин В. А. География Советского Закарпатья. — Москва: Гос. изд. географической литературы, 1956. 296 с.
- Географічна енциклопедія України: в 3 т / Редкол.: А. М. Маринич и др. — К.: Українська радянська енциклопедія, 1993. — Т. 3: П—Я. — С. 181. — 480 с. — ISBN 5-88500-020-4
- Советское Закарпатье. Справочник-путеводитель. Ред. Свереняк М. В. — Ужгород: Карпаты, 1968. Изд. четвертое.
- Украинский советский энциклопедический словарь в трех томах. / Кудрицкий А.В. и др. (ред.). Главная редакция Украинской Советской Энциклопедии им. М.П. Бажана. К., 1988. Том 3. ISBN 5-88500-007-7
- Lake Synevyr. //Ramsar Sites Information Service.
Референции
Фотогалерия
Wikiwand - on
Seamless Wikipedia browsing. On steroids.
Remove ads