Теребля (рѣка)

Тере́бля — рѣка в Украинѣ, в Межгорском, Хустском и Тячовском районах Закарпатской области.^[2] Вливать ся до Тисы на 872-м километрѣ од ей устя (Дунай в Новом Садѣ).^[1]

Суть другы вызнамы, см. Теребля.

Рѣка Украины

Теребля
Talabor мад.
Теребля повысше Драгова
Закладны числа
Довжка току	80 км[1]
Плоха базену	750 км2[1]
Выток
суток рѣкы Слобода и потока Ростока надморска вышка 833 м 48°35′56″N 23°41′48.5″E
Устя
Тиса в Буштинѣ надморска вышка 193 м 48°02′11″N 23°28′35″E
Путь до моря
Тиса→Дунай→Чорне море
Теребля на Викискладѣ

Опис

Теребля зачинать ся сутоком потока Ростока и Слободянской Рѣкы, котры беруть зачаток зоз жерел на южных убочах Горган. Довжка рѣкы 91 км. Долина рѣкы до села Забродь V-подобна, ширины 10–850 м, ниже мать форму трапеции ширинов 1,3–3,5 км. Корыто кривулясте, в горном и середном току порожисте, часто росконарене, творить много островох; недалеко од устя дѣлить ся на два рамена. Ширина корыта 15–20 м, найвекша 54 м. Живлѣня мѣшане з перевагов дождьового. Характерна ярна повѣнь, але и заливы в иншы поры року. Середный рочный проток воды 12,7 м³/с (гидрологичный пункт Колочава). Пониже проток воды силно овплывненый Теребле-Рѣцкым водоемом, з якого вода одберать ся про водну електрарню на рѣцѣ Рѣка. Теребля доставать сток з озера Синевир. Ледостав нестойкый, в яри даколи ставать ся турлаш.^[2]

Господарскый вызнам

Рѣка служить на водозастачаня, але главнѣ про гидроенергетику (Теребле-Рѣцка гидроелектрарня). Про ей гладкый ход од року 1951 фунгуе гидрологичный постерунок при Колочавѣ, а в горном току Тереблѣ (на рѣцѣ Слобода) выбудованый регулачный водоем.^[2]

Притокы Тереблѣ

Найвекшы (довжкы 10 км и веце) притокы суть^[1]

Назва притока	Приток	Од устя Тереблѣ, км	Довжка притока, км
Слобода+)	правый	71	10
Озерянка	лѣвый	63	18
Сухарь	лѣвый	59	14
Велика Уголина (Уголька)	лѣвый	18	27

⁺⁾ подля погляду окремых географох Слобода е основным током Тереблѣ, котрый в том усѣку исторично несе иншу, локалну назву.^[3]

Алтернативны погляды на выток Тереблѣ

мадярскый

Подля мадярскых географох зачатку XX. стороча Теребля е правым притоком Тисы, мать довжку 90 км, зачинать ся на вододѣлном гребеню под верхом Вышковскый Горган (1443 м) (bingmap), на сѣвер од Синевирской Поляны.^[4] Подля днешных представ поток, вытѣкаючый спод Вышковского Горгана не може ся поважовати за главный ток, понеже его проток значно меншый од протока Слободы в их сутоку.

чешскый

Теребля зачинать ся под верхом Струнга (1180 м н.м.) (bingmap) в Тячовском районѣ,^[5] а во своем горном току называть ся Слобода.^[3][6] Тото е зазначене ай на добовой военской мапѣ.^[7]

совѣтскый

Теребля бере зачаток на Вододѣлном гребеню Карпат. Роздѣл высот меджи вытоком и устьом 960 м.^[8] Тото непрямо потвержуе чешску верзию, понеже надморска вышка Тереблѣ в устю чинить 193 м н. м.

Жерела и одказы

• Dr. Jiří Král: Podkarpatská Rus. V Praze, nákladem vlastním, 1924.
• Révai nagy lexikona. 1-21. köt. Révai Testvérek Irodalmi Intézet Részvénytársaság, Budapest. 1911–1935.
• Анучин В. А.: География советского Закарпатья. — М.: Географгиз, 1956. — 296 с.
• Кирилюк М. І.: Теребля. //Географічна енциклопедія України: В 3-х т. Редкол.: О. М. Маринич (відп. ред.) та ін.— К. «Українська енциклопедія» ім. М. П. Бажана, 1989—1993. ISBN 5-88500—015—8 Т. 3: П—Я.— 480 с: ISBN 5-88500—020—4 С. 275.
• Швець Г.І., Дрозд Н.І., Левченко С.П. Каталог річок України. — Видавництво АН УРСР. Київ, 1957. — 192 с.