Славяне

Славяне суть етничнов и языковов групов Индоевропанох, котры обывають передо вшиткым середну и восточну Европу. В истории суть познаты од 6. ст., коли ся зачала их експанзия в Европѣ.

Славяне

Славянскы державы в Евразии, и в Европѣ
Популация
350-400 милионы
Регионы зо значнов популациов
Русы 150,0 млн. [1][2] Поляци 60,0 млн. [3][4] Украинцѣ 57,0 млн. [5][6][7] Сербы 12,0 млн. [8] Чехы 10,7 млн. [9] Бѣлорусы 10,1 млн. [10] Болгары 8,4 млн. [11] Словаци 7,2 млн. [12] Хорваты 6,7 млн. [13] Босняци 2,6 млн. [14] Словенцѣ 2,5 млн. [15] Русины 1,8 млн.1 [16] Македонцѣ 1,6 млн. [17] Чорногорцѣ 0,6 млн. [18] Мораване 0,5 млн. [19] Шлезане 0,5 млн. [20] Кашубы 0,2 млн. [21] Лужичане 0,1 млн. [22]
Языкы
Славянскы языкы: восточны, западны, южны
Религия
Христианство, меншина: Ислам, Атеизм
Близкы етничны групы
Литовцѣ, Латвийцѣ
Зазначкы
1Фахове шацованя, подля официалных податок: 110 250.[16]

В днешности общепризнано Славяне ся дѣлять на:^[23]

• восточны (главнѣ Бѣлорусы, Русы и Украинцѣ),
• западны (главнѣ Лужичане, Поляци, Словаци, Чехы),
• южны (главнѣ Болгары, Босняци, Македонцѣ, Сербы, Словенцѣ, Чорногорцѣ, Хорваты).

Окрем того удну сих, або меджи нима, суть народы in statu nascendi, котрых етничность е предметом спору: Кашубы, Мораване, Русины, Шлезане.^[24]

Етногенеза

Етногенеза Славянох доднесь неясна. З правдоподобностьов мож повѣсти, же уже перед роком 2000 до Р.Х. Праславяне бывали в Европѣ розсѣяныма островками меджи иншыма народами.^[25] Подля едной теории сѣдлиско Праславянох, одкы ся росширили было в Карпатской котлинѣ, подля другой — было меджи Вислов, Балтиком и Днѣпром.^[25][26]

Под роком 512 первый раз упомянув Славян (яко Склавинох) историк Прокопий Кесарийскый в серединѣ 6. ст., а роздѣлѣня на праславянскы диалекты и поява первых славянскых держав односить ся ку 8-9. ст.^[26]

Етимология

Назва Славяне первый раз упомянута лем в 14. ст.^[26] Найскоршы объяснѣня етимологии одводили тоту назву од слава, а чешскый слависта Йозеф Добровскый — од слово, же тото суть люде, з котрыма ся мож дорозумѣти, опроти тым котры суть Нѣмцѣ. Авшак сучасны етимологы понукли иншы теории, же тото слово, понеже его зачаточна форма *slověninъ, мать походити од топонима, напримѣр од назвы рѣкы Слава.^[27]

Жерела и одказы

• Magocsi, Paul Robert. Chrbtom k horam. Dejiny Karpatskej Rusi a karpatských Rusínov. UNIVERSUM. Prešov, 2016. ISBN 978-80-89046-97-3.
• Ottův slovník naučný. Illustrovaná encyklopaedie obecných vědomostí. Díl 1–28. Vyd. J. Otto. V Praze, 1888–1909.
• Синиця Є.В., Терпиловський Р.В. Походження та рання історія слов'ян. //Енциклопедія історії України : у 10 т. / Смолій В. и др. (ред.). Інститут історії України НАНУ. — К. : Наук. думка, 2003-2013. ((ISBN| 966-00-0632-2}} Том 9: ISBN 978-966-00-1290-5.