Срѣм

Срѣм, серб. Срем, хорв. Srijem — географичный регион в Паннонской низинѣ меджи рѣками Дунай и Сава на запад од их сутока; исторична назва лат. Sirmium, од римского города Сирмиум (днесь Срѣмска Митровиця), главного в регионѣ.

Полога Срѣму на Балканах

История

В добѣ Римской империи город Сирмиум быв центром провинции Pannonia Secunda, важным торговым мѣстом и оборонным пунктом против Дакох, позднѣйше став ся центром провинции Иллирика. По падѣ империи панами провинции бывали Готы, Гепиды, Византийцѣ и Авары, под их панованьом Сирмиум прийшов у повне спустошѣня. Од VI. стороча до провинции приходять Славяне (Хорваты).^[1]

В X. сторочу исторична провинция Сирмиум стала ся частьов Мадярского кральовства, а в XI. – XII. сторочах за провинцию точили ся споры и бои з Византиев за територии на правом березѣ Савы, наконець сформовала ся жупа Срѣм вылучно на лѣвом березѣ плохов 6810 км².^[2]

Днешность

Хорватска и сербска части Срѣму

Днешный Срѣм мать плоху 6870 км² и понад 500 000 обывательох и е подѣленый меджи Сербиев (Сримскый округ) и Хорватиев (жупа Вуковар-Срѣм). Од XVIII. стороча в Срѣмѣ оселили ся тыж Русины и Украинцѣ.^[3]

Найвекшы народности в Сримском округу, Сербия, 2002^[4]

Народность	Особ	%%
вкупно	335901	100.00
Сербы	283881	84,51
Хорваты	10516	3,13
Словаци	9350	2,78
Югославы	5100	1,52
Мадяре	4236	1,26
Русины	2044	0,61
Украинцѣ	1158	0,34

Найвекшы народности в жупѣ Вуковар-Срѣм, Хорватия, 2001^[5]

Народность	Особ	%%
вкупно	204 768	100,00
Хорваты	160 277	78,27
Сербы	31 644	15,45
Мадяре	2 047	1,00
Русины	1 796	0,88
Словаци	1 338	0,65
Босняци	1 138	0,56
Албанцѣ	487	0,24
Украинцѣ	476	0,23

Жерела и одказы

• Szerém, Szerémség. //Révai nagy lexikona. 17. köt. Révai Testvérek Irodalmi Intézet Részvénytársaság, Budapest. 1925. Сс. 554–556. мад.
• Володимир Кубийович: Срем. //Енциклопедія українознавства : Словникова частина 8 / Наукове товариство імені Шевченка ; гол. ред. проф., д-р Володимир Кубійович. — Париж ; Нью-Йорк : Молоде життя , 1976; с. 3009. укр.
• Srem. // Ottův slovník naučný. Illustrovaná encyklopaedie obecných vědomostí. Díl 23. Vyd. J. Otto. V Praze, 1905. С. 998. чеш.
• Попис становништва, домаћинстава и станова у 2002. Национална или етнична припадност. Република Србија. Републички завод за статистику. 1. Београд, фебруар 2003. ISBN 86-84433-00-9 Сс. 42–43