Теодор Ройкович

Теодор Ройкович, *27. юн 1877, Дрениця, Шариш, Австро-Мадярщина – †31. октобер 1963, Пряшов, Чехословакия — священик, сполоченскый, културный и церковный дѣятель, публициста, редактор русинскых периодикох.^[3] Познатый як пропагатор русинскых идей.^[2]

Теодор Ройкович Теодор
мад. Rojkovics Tivadar,[1] словац. Teodor Rojkovič, укр. Федор Ройкович[2]
Чинность	священик, редактор русинскых периодикох
Горожанство	Австро-Угорьско, Чеськословеньско
Уроджѣня	юна 27., 1877(1877-06-27)
Дрениця, Шариш, Австро-Мадярщина
Упокоеня	октобра 31., 1963 (86 р.) Пряшов, Чехословакия
Records of persons of interest, Краєзнавчий словник русинів-українців. Пряшівщина Ту можуть быти податкы з Wikidata, не контролованы авторами статѣ

Штудии и священича служба

Закончив гимназию в Пряшовѣ, богословску семинарию в Будапештѣ (1901). Быв настоятельом храма в Джачовѣ, Лютинѣ и Пряшовѣ. Од року 1930 — каноник Пряшовской епархии.^[3]

Сполоченска и литературна робота

Од року 1931 быв головным редактором новинкы «Русское слово», в роках 1938–1939 новинкы «Пряшевская Русь». Быв в числѣ инициаторох основаня русинской гимназии в Пряшовѣ (1936). Автор гры «Из болота к счастью», брожуры «Отзывы карпаторусско-словацких отношений» (1936) тай иншых.^[3]

В януарѣ 1922 в сполуавторствѣ з Антонийом Бескидом и Виктором Берецкым склав Меморандум Пряшовской народной рады, котрый подали до парламенту в Празѣ, де жадали, обы Спиш быв злученый з Подкарпатсков Русьов, жебы в Ужгородѣ была отворена универзита, жебы в русинскых школах язык выукы быв русинскый и неодкладно была выбрана автономна влада.^[1]

В 1930-х роках Ройкович з групов колег ходили до Америкы зберати грошѣ на сиротинець, монастырь и русинску гимназию, и их мисия была успѣшна, хоть чехословацка влада тому пробовала завадити. Быв тыж касирьом епархиалного освѣтового фонду, котрый успѣшно финанцовав русинскы школы и ведучым епархиалного фонду священичых вдов и сирот.^[2]

Жерела и одказы

• Fedinec Csilla. A kárpátaljai magyarság történeti kronológiája 1918–1944. Galánta–Dunaszerdahely, 2002: Fórum Intézet, Lilium Aurum Könyvkiadó. С. 102. ISBN 80-8062-117-9. https://core.ac.uk/download/pdf/20381516.pdf. [перевірено 2022-06-24].мад.
• Віктор Кічера (2016). Греко-Католицька Церква в Чехословаччині як соціальна інституція (1918–1939). Пряшів, 2016. Сс. 8, 63, 69, 75, 90. ISBN 978-80-555-1645-5. https://www.academia.edu/33000330/Віктор_Кічера_Греко_Католицька_Церква_в_Чехословаччині_як_соціальна_інституція_1918_1939_Пряшів_2016_Viktor_Kičera_Gréckokatolícka_cirkev_v_Československu_ako_sociálna_inštitúcia_1918_1939_Prešov_2016_ISBN_978_80_555_1645_5_In_Ukrainian. [перевірено 2022-06-24].укр.
• ФедІр Ковач: Ройкович Теодор //Краєзнавчий словник русинів-українців. Пряшівщина. Упорядник Федір Ковач. — Пряшів: СРУСР, 1999. ISBN 80-85137-15-1 укр. , С. 292