Ужгородска народна универзита

Ужгородска народна универзита (УжНУ), укр. Ужгородський національний університет — украинске высше державне училище зо сѣдлиском в Ужгородѣ. Заложена 19. юла 1945. Представлять едну з класичных универзит Украины, акредитованых подля IV. (высшого) ступня акредитации.^[3]

Ужгородска народна универзита
Ужгородський національний університет укр.
Гесло	Чим веце знаме, тым веце можеме[1]
Первоназва	Ужгородска державна универзита
Заложена	юла 19., 1945 (1945-07-19) (79 р.)
Тип	штатна
Ректор	Володимир Ив. Смоланка
Факулты	20
Персонал	1300
Штуденты	13 906[2]
Докторы	111
Професоры	116
Сѣдлиско	Ужгород, Украина
Кампус	Ужгород, ул. Универзитна 14
Веб-сайт
Ужгородска народна универзита на Викискладѣ

Медицинска факулта

Ректор УжНУ — Смоланка Володимир Иванович, доктор медицинскых наук, професор.

История

Рѣшѣня о заложѣню универзиты в Ужгородѣ было вынесене Народнов Радов Закарпатской Украины декретом №16 5. децембра 1944.^[4]

Декрет «Про організацію вищих шкіл на Закарпатській Україні» укр. Виконуючи волю Першого з'їзду делегатів Народних Комітетів Закарпатської України від 26 листопада 1944 р., Народна Рада Закарпатської України постановляє організувати на території Закарпатської України Державний університет. Шляхом Жовтня. Зб. док., т. 6, сс. 217-218.[4]

За день заложѣня универзиты ся поважуе далшый датум — 19. юл 1945 — коли ЦК^[5] КПЗУ и Народна Рада Закарпатской Украины прияли сполочне наряджѣня «Про утворення Закарпато-Українського Університету укр.». 1. фебруара 1946 Ужгородска державна универзита приняла первы 168 штуденты.^[6] Факулты были еще лем исторична, филологична, биологична и медицинска. 1. юла 1946 уже были 15 катедер.^[6]

Позднѣйше на Ужгородской универзитѣ отворили и оддѣлѣня приготовкы учительох мадярского языка и литературы про мадярскы школы.^[4]

19. октобра 2000 Ужгородска державна универзита была преименована на Ужгородску народну универзиту.

Факулты и инштитуты

Подля актуалной штруктуры на универзитѣ суть 19 факулт и еден инштитут:^[7]

1. Биологична
2. Географична
3. Украинско-мадярскый образовно-научный инштитут
4. Инженерно-технична
5. Исторична и меджинародных односин
6. Математична
7. Медицинска
8. Стоматологична
9. Економична
10. Здоровя и тѣловыховы
11. Информачных технологий
12. Подипломного образованя и приготовно-вступна
13. Сполоченскых наук
14. Чужоземной филологии
15. Туристикы и меджинародных комуникаций
16. Физична
17. Меджинародных економичных односин
18. Филологична
19. Хемична
20. Юридична

Жерела и одказы

• Віднянський С. В. Ужгородський національний університет // Енциклопедія історії України : у 10 т. / редкол.: В. А. Смолій (голова) та ін. ; Інститут історії України НАН України. — К. : Наук. думка, 2013. — Т. 10 : Т — Я. — С. 216. — ISBN 978-966-00-1359-9.
• Гомоннай В. В. Народна освіта радянського Закарпаття. Видавництво «Радянська школа». Київ-Ужгород. 1988. ISBN 5-330-00806-9.
• Веб-сайт УжНУ
• Веб-сайт УжНУ про штудентох медицины зо загранича (архив)англ.