Шатораяуйгей

Ша́тораяу́йгей, мад. Sátoraljaújhely, словац. Nové Mesto pod Šiatrom, зоз историчной назвы нѣм. Neustadt am Zeltberg — город на сѣверовыходѣ Мадярщины, в жупѣ Боршод-Абауй-Земплин, на словацкой граници, даколишный главный город Земплина.

Пограничный город Мадярщины Шатораяуйгей Sátoraljaújhely Застава Герб Держава МадярщинаМадярщина Жупа Боршод-Абауй-ЗемплинБоршод-Абауй-Земплин Район Шатораяуйгей Мер Самошвелди Пийтер Szamosvölgyi Péter[1] Координаты 48.394167, 21.65611148°23′39″ с. ш. 21°39′22″ в. д.48.394167° с. ш. 21.656111° в. д. (G) (O) (Я) Розлога 73,46 км² Обывательство 13554[2] особ (2021-01-01) Часова зона UTC+1, влѣтѣ UTC+2 Телефонный код +36 47 Поштовый индекс 3980 Официалный сайт Sátoraljaújhely weboldala мад. Шатораяуйгей

Полога

Шатораяуйгей лежить в правобережу рѣкы Бодрог, оддаленый на сѣверовыход од сосѣдного Шарошпотока (около 10 км) и од главного города жупы Мишколца (около 80 км). На словацкой сторонѣ границѣ лежить невелике село Словенске Нове Место, словац. Slovenské Nové Mesto, в минулости часть Шатораяуйгея.

История

Перва исторична споминка датована роком 904 и звязана з приходом мадярскых племен. По татаро-монголском впадѣ селитва была спустошена. Нововыбудовану локалиту пересунули дале од рѣкы Бодрог, под гору Шатор, понеже на старом мѣстѣ часто ставали ся заплавы. Достала назву Új Hely, што значить нове мѣсто, а в року 1261 достала од «младшого краля» Иштвана V. варошскы права.^[3]

В року 1351 краль Лайош I. даровав Шатораяуйгей сынови пораженого литовского князя Кориата, Теодорови, котрый ту поселив русинскых осадникох и на горѣ выставив замок.^[4][5]

Економичный розвой ся рушив од року 1871, коли сюды пришла желѣзниця од Мишколца, што дале пошла на Гуменне, аж в року 1874 через Лупковскый тунел отворила путь до Польщѣ. В року 1872 ту отворили одбочку до Чопа и Ужгороду, и так ся Шатораяуйгей став важным желѣзничным узлом. По Первой свѣтовой войнѣ сѣверовыходный окрай города быв одданый новоствореной Чехословакии подля Трианонской догоды 1920, главнѣ зато, бо тота линия до Чопа была едина желѣзнична вяза зоз Словакии на Подкарпатску Русь. Так ся створило Словенске Нове Место. Перва вѣденьска арбитража (1938) дочасно вернула го назад (до року 1945).

Интересны факты

• В часѣ револуции обывателе вароша «без всякой розумной мѣры» подтримовали комунистичны идеи, пише по свѣжой памяти енциклопедия в року 1924.^[5]
• Шатораяуйгей мать школы з меншиновыма языками выукы: нѣмецкым и словацкым.^[6]

Жерела и одказы

• Sátoraljaújhely. Révai nagy lexikona. XVI. Budapest: Révai Testvérek Irodalmi Intézet Részvénytársaság, 1924. 954. old. https://mek.oszk.hu/06700/06758/pdf/revai16_3.pdf. [перевірено 2023-05-26].мад.
• Уйгель. Энциклопедический словарь Брокгауза и Ефрона. Т. XXXIVa. С. 623. https://ru.wikisource.org/wiki/ЭСБЕ/Уйгель. [перевірено 2023-05-26].русс.