Шунд-литература

Шунд-литература, або курто шунд (нѣм. Schundliteratur) — род литературы, назначеный широкому кругу читателей, обминаючый глубокы темы, идеи, не жадаючый од читателя усилованя интеллекта, ориентованый лем на забаву.

Спальованя шунд-литературы в НДР, 1955

Етимология

До русинского языка слово пришло з южнославянскых, котры го мають з нѣмецкого. Буквално нѣмецке слово Schund означать: смѣтя, нич не варта робота.

Характерны знакы

Часто ку шунду мож однести любовну литературу, детектив, гумористичну литературу и даякы другы жанры. Шунд представлять массову културу, ориентуе ся на коньюктуру, моду, низкый смак и невыбагливость читателя. Роспознати шунд мож и подля великой скорости з котров ся пише, массовости публикаций и долученой докучливой рекламѣ.

Шунд в подкарпатской литературѣ

В едиции Дешева библіотека в 1920-х роках Антоний Бобульскый на жаданя властника выдавательства Юлия Фелдешия написав 20 повѣдань. Выдаватель не таив, же е то шунд-литература.

Оддавна уже чую, як наш народ скаржить ся, же не мать што читати. Довго ем гадав над тым и напослѣд то выдумав, же чимскорше треба им дашто такое выпечатати. Мое рѣшѣня ознаймив ем едному з моих писателей, котрый нараз взяв ся до дѣла и под именем Дѣдо Микула написав Дешеву библиотеку, котра дотеперь мать 20 выпускы, каждый з них мать по 32 стороны и коштуе 30 филлеры.

— Юлий Фелдеший, выдаватель^[1]

Жерела и одказы

• Међеши Х., Тимко-Ђитко О., Фејса М. Русинско-српски речник. Завод за културу војвођанских русина. Нови Сад, 2010. С. 854.
• Шунд-литература чеш.