Юрай Крижанич

From Wikipedia, the free encyclopedia

Юрай Крижанич
Remove ads

Юрай Крижанич, хорв. Juraj Križanić, *1618, Обрг, Османска империя, днесь Хорватия – †12. септембер 1683, Вѣдень, Священна Римска империя — хорватскый католицкый священик, филозоф, лингвист, зачинатель славистикы, историк, мисионер, котрый пропаговав унию Католицкой и Православной Церков и едноту славянских народох (панславизм).[1][2]

Коротка інформація Юрай Крижанич Юрай • Križanič, Чинность ...
Remove ads

Биография

Походжѣня и штудии
Юрай Крижанич походив з родины небогатого шляхтича Гаспара Крижанича.[3] Учив ся в католицкых семинариях в Загребѣ, Римѣ и Болоньи. В року 1641 высвяченый на поповство, в року 1642 достав ступень доктора теологии, в роках 1642–1646 служив каноником в Загребѣ.[1]
Выходна мисия
Подля властной просьбы быв подготовленый на католицкого мисионера и в року 1647 первый раз навщивив Русске царство[2] ай вывез одты Кирилову книгу, затым в роках 1652–1656 в Римѣ приготовив зберьку Bibliotheca Schismaticorum universa... (1656), котра обсяговала переложены до латины з грецкого и церковнославянского антикатолицкы писаня, а тыж одпертя на тоты писаня. Зберька была высоко оцѣнена Римсков куриов.[1] Крижанич достав скромну пензию од папской влады, хоть он не того ся домогав.[3]
Друга выходна мисия
Крижанич на тот час вывинув идею, як споити вшиткых славянох в едной державѣ под политичнов владов Москвы, але в церковной унии, циже под духовнов владов Рима.[2] Домогав ся од Папы, жебы го послали яко мисионера до России, ай быв в року 1657 приятый до Конгрегации пропаганды вѣры, але таку мисию Папа не схвалив, поважуючи, же то не на часѣ. Крижанич ся ухылив до гамѣшства, на што звык быв и перед тым.[3] Через русску амбасаду во Вѣдни в року 1658 понукнув ся на службу русскому царьови, затаивши свое католицке мисионерство. Быв наятый, же буде штудовати славянску граматику и в року 1659 пустив ся в путь до Москвы.[2] Путь му забрав два рокы через войну, што точила ся в Малороссии, а скоро по приходѣ до Москвы, в януарѣ 1661 його гамѣшство было роскрыте, и быв высланый до Тобольска, «жебы там быв при царскых дѣлах, котры пристойны, а на прожитя му росказано давати мѣсячно 7,5 рублѣ».[3] В Тобольску быв 15 рокы (1661–1676) аж до смерти царя Алексея I. Романова, а пак го перемѣстили до Соловецкого монастыря; в року 1677 царь Федор III. Романов змиловав ся и дозволив му одыйти з России, што было выимочным припадом. Крижанич оселив ся в Речи Посполитой. З войском Яна Собеского брав участь во войнѣ з Османами, де 12. септембра 1683 упав в боях за Вѣдень.[1]
Remove ads

Погляды и творба

Thumb

Юрай Крижанич быв автором множества писань, котры были векшинов опубликованы в XIX. сторочу. В роботѣ Грамати́чно изка̂занје об ру́ском јези́ку (1665) подавать проект единого панславянского языка,[1] цѣнну филологичну роботу,[2] котров заслужив собѣ честный титул "отця славянской поровнателной филологии".[3]

Найпознатѣйшый Крижаничов трактат Политика или разговоры об владательству (1663–1666), подавать проект системы идеалного державного заряджѣня, поддавать критицѣ розличны стороны живота русского сполоченства и програму його перетворѣня. Крижанич поважовав, же в России треба змоцнити централну владу, реформовати войско, реорганизовати вонкашну и внуторну торговлю, законодарно закрѣпити права вшиткых станох.[1] Тоты погляды были зважены и послужили назнаком про културны и социалны реформы Петра I. Великого, котрый пановав в роках 1682–1725.[2]

В року 1659 перейшовши Мадярщину, Угорску Русь и Галич, Крижанич два рокы пробыв в Малороссии. Ку тому периоду припадають два його писаня: Опис пути зо Львова до Москвы и "Слово ку Черкасам". В первом автор указуе на вплыв Полякох и Грекох, як причину недякы Малоросох ку Великоросам, в другом радить Малоросам подрядити ся Московии.[3]

Remove ads

Жерела и одказы

Референции

Loading related searches...

Wikiwand - on

Seamless Wikipedia browsing. On steroids.

Remove ads
Remove ads