N (латиніка)

N є чотырнадцята буква базового латинського алфавіту.

Nn

Далшы значіня суть зазначены у статї N.

Історія

Гад, єден из майросшыреных еґіпетськых єроґліфув, хосновав ся про запис звука, подобного русинському дж, бо по еґіпетськы гад быв djet. Є теорія, ож Семіты, котрі робили в Еґіптї, припаровали єроґліфы про вытвореня перьвого алфавіту и взяли иппен сесь сімбол про звук н, бо з сёго звука ся зачинало їх слово гад. Педиґ по фінікійськы, гебрейськы, арамейськы и арабськы йся буква ся называт нун, што в дакотрых из сих языкув значит рыба. У переятум з фінікійського ґрецькум алфавітї буква была переименована в ню и достала свою теперїшню форму. Пак дас у 7. сторочу сперед Руздва Христового трафила до давнолатинського алфавіту.

Єроґліф гад	Прасемітськоє N	Фінікійськоє Нун	Ґрецькоє Ню	Етруськоє N	Латинськоє N

Хоснованя

N хоснуют про запис зубного ци переднёяснового носового согласного скоро у вшыткых языках, што мают латинськый алфавіт, а щи в Межинароднум фонетічнум алфавітї. З буквов n ся часто стрічає ай діґраф ng, котрый у дакотрых языках (у анґліцькум, нїмецькум, фінськум, індонезькум ай ин.) означає заднёпуднебный носовый согласный. N часто самоє означат заднёпуднебный носовый, кідь стоїт перед заднёпуднебными выбуховыми согласными (як приміром к ци ґ). Суть ай инші діґрафы, приміром, про запис переднёпуднебного носового согласного ся хоснуют діґрафы gn (французькый и таліанськый языкы) и nh (портуґалськый и вєтнамськый языкы).

Поязані и подобні буквы

• Ń ń (латинськоє N з акутом)
• Ñ ñ (латинськоє N з тілдов)
• Ň ň (латинськоє N з кароном)
• Ν ν (ґрецькоє Ню)
• П п
• Н н
• И и

В иншакых сістемах

–·
Морзув алфавіт	Сіґналный прапор	Семафорный алфавіт	Брайлово писмо

Тыж посмоть

• N — иншакы значіня.

Референції

Тоты даны суть часточно або цалком основаны на перекладї статї N на анґліцькій Вікіпедії.