Фредерик Сенгер
From Wikipedia, the free encyclopedia
Remove ads
Фредерик Сенгер, англ. Frederick Sanger, *13. август 1918, Рендком, Споене кральовство — †19. новембер 2013, Кембридж, Споене кральовство, — быв британскый биохемик. Дотеперь е единым двоитым Нобеловым лавреатом з хемии.
Remove ads
Научна карьера
Под вплывом отця, котрый быв практикуючый дохтор, Фредерик зачаточно хотѣв ся учити на дохтора, але еще перед тым, як ишов на универзиту, роздумав ся, же лѣпше ся концентруе на едну научну проблему, бо дохторска практика, навспак, потребуе многосторонность. И так на Кембриджской универзитѣ выбрав собѣ катедру биохемии, неодовго перед тым закладену Нобеловым лавреатом Ф.Г. Гопкинсом, де были молоды ентузиастичны учены. По зысканю бакаларьского ступеня (1939) зостав на универзитѣ працовати в биохемичной лаборатории и продовжати штудии на зысканя доктората (1943). В лаборатории была вывинута шпециалны техникы фракционованя протеинох и то дало реалну можность выявити точну хемичну штруктуру сих фундаменталных компонентох живой материи. Сенгеру удало ся вывинути новый метод, зоз котрым ся дало найти штруктуру протеинох, зокрема инзулину, за што достав свою перву Нобелову награду (1958).[1]
Remove ads
Далшы выгледованя
Около року 1960 Сенгер обернув свою увагу на нуклеовы квасы, RNA и DNA, и вывинув методы на вызначѣня малых послѣдовностей в RNA. Робота кулминовала около року 1975 зоз вывоем дидеокси-метода на вызначѣня послѣдовностей в DNA. В року 1977 Сенгер проуказав ефективность свого метода, коли дешифровав послѣдовность нуклеотидох в шпирали DNA бактериофага fx174, котра ся складовала зоз 5 375 нуклеотидох. За тым послѣдавало дешифрованя людской митохондриалной DNA (16 338 нуклеотидох) и далшы. Метод быв дале вылѣпшеный и автоматизованый на иншых людскых геномах (3 милиарды нуклеотидох).[2]
Фредерик Сенгер достав свою другу Нобелову награду з хемии в року 1980.
В року 1983 пензионовав.[2]
На честь Фредерика Сенгера названый Инштитут Сенгера, основаный в року 1992, котрый занимать ся генетичныма выгледованями.[3]
Remove ads
Жерела и одказы
Референции
Wikiwand - on
Seamless Wikipedia browsing. On steroids.
Remove ads