Фридек-Містек

Фридек-Мѣстек, чеш. Frýdek-Místek, поль. Frydek-Mistek, нѣм. Friede(c)k-Mistek, за протекторату нѣм. Friede(c)k-Friedeberg^[2] — мѣсто в Моравскошлезском краю Чешской републикы.

Фридек-Мѣстек

Фридек-Мѣстек, Чесько

Мѣсто Чешской републикы Фридек-Мѣстек Frýdek-Místek чеш. Застава Герб Давны назвы Friedeberg, 1267 Край Моравскошлезскый (CZ080)Моравскошлезскый (CZ080) Окрес Фридек-Мѣстек (CZ0802) Магистрат мѣста Radniční 1148 738 01 Frýdek-Místek Координаты 49.688056, 18.34777849°41′17″ с. ш. 18°20′52″ в. д.49.688056° с. ш. 18.347778° в. д. (G) (O) (Я) Розлога 51,56 км² Надморска вышка 291 м Обывательство 56 719 особ (2017[1]) Часова зона UTC+1, влѣтѣ UTC+2 Телефонный код +420 Поштовый индекс 738 01 LAU CZ0802 598003 Официалный сайт чеш., нѣм., англ., поль.

История

Катастрална мапа Фридка-Мѣстка

Исторична часть и выгляд на нове мѣсто

Найстаршы писемны жерела свѣдчать о ествованю моравского села, означеного яко Фридеберк (Friedeberg), позднѣйше Мѣстек, на лѣвом березѣ рѣкы Остравиця при ей сутоку з Моравков, спомянутого в тестаментѣ оломоуцкого бискупа Бруно з Шауенбурку (Bruno ze Schauenburku) в року 1267. Остравиця творила природну границю историчных земель Моравы и Шлезии, и на правом березѣ уж в зачатку 14. ст. упоминать ся замок, котрый хранив границю, днешный Фридецкый замок.

В року 1939 мѣстецка Чаянкова касарня была единым мѣстом, де чехословацка армада клала збройный одпор нѣмецкому войску, окупуючому протекторат.

Од 1. януара 1943, подля рѣшѣня министерства внутра ч. 25.625/42-III/1 з дня 15. децембра 1942, Фридек, Мѣстек и прилеглы Старе Мѣсто, Лѣсковець и Свяднов были злучены въедно под назвов Фридек, нѣм. Friedeberg.

По выслободжѣню з нѣмецкой окупации споиня ся заховало, але быв зачатый довгый демократично-бюрократичный процес вызначѣня новой назвы мѣста и статуса, в резултатѣ котрого было мѣсто переменовано спочатку на Мѣстек (1950), пак осамостатнили ся Старе Мѣсто, Лѣсковець и Свяднов, подля волѣ працуючого люду (1954), а до мѣста прилучили иншы 147 га зо 152 домами и 1536 обывателями (1954), наконець была схвалена нова назва: Фридек-Мѣстек (1955). В року 1979 Старе Мѣсто, Лѣсковець и Свяднов были зась припоены ку мѣсту, але в року 1990 еще раз осамостатнило ся Старе Мѣсто, а в року 1992 и Свяднов. Резултатом того е, же мѣсто теперь складать ся зоз двох, териториално не прилеглых, части.

Днешность

В сучасности докончена реновация важнѣйшых исторично-архитектурных объектох. Суть добры можности про шпорт и рекреацию: в околици мѣста е водоем Олешна, аквапарк, атлетичный штадион, шпортовый комплекс Поларка, база гокейового клуба HC Frýdek-Místek.

Економика

В мѣстѣ передо вшиткым розвивать ся машинарство. Продукция: авта значкы Hyundai, металопродукция, екологичны малы електрарнѣ на биомасу и тверды палива, деревовыроба, текстил, годинкы, декоративне скло и порцелан, пластовы выробкы, потравинова продукция.

В послѣдных роках велике множество фирм инвестовало довъедна милиарды евр до мѣстной економикы.^[3]

Жерела и одказы

• Kolektiv autorů. Frýdek-Místek. Praha: Nakladatelství Lidové noviny, 2014. 600 s. ISBN 978-80-7422-314-3