From Wikipedia, the free encyclopedia
Караганда́ казах. Қарағанды (файл) — четвертый найвекшый город в Казахстанѣ, центер найвекшой области — Карагандинской.
Четвертый найвекшый город Казахстана
Караганда
Қарағанды Qarağandy
|
Назва походить од корчох "карагана" (Caragana arborescens, Caragana frutex), што буйно ростуть в том теренѣ.[2]
Лежить в серединѣ важного Карагандинского угляного ревира. Узел автодорог, желѣзнична штация, меджинародне летиско Сары Арка.[3]
Долованя угля ся зачало в року 1857 в невеликом обсягу про потребу недалекой мѣдяной гуты, было заставлене в 1920-х рокох, пак зась скоро выростло по року 1931, коли ту пришла желѣзниця, и быв принятый декрет о вывою Карагандинского угляного ревира про засобованя промысла Урала. Караганда достала статус города в року 1934 и стала ся областным центром в року 1936. В року 1939 обывательство уже выростло до 166 000 особ. В Карагандѣ и околици ся широко выуживала примусова робота.[2] В 1930–1950-х рокох ту быв центер Карагандинского поправчого лагра Карлаг.[3]
Долованя угля зоставать основным конарьом промысла Караганды, но суть ай великы металургичны комбинаты, цѣментны фабрикы, а тыж потравиновый и иншый легкый промысел. Ку року 1972 концентрация промысла в Карагандѣ привела ку вычерпаню засоб воды в том сухом регионе и потребовала ставбу канала од рѣки Иртыш до Караганды, котрый был отвореный того ж року.[2]
Сучасный город складать ся з окремых давных населеных пунктох, розметаных на великой територии. Старый город в первы рокы выростав хаотично и склав ся зоз вецей як 20 селитв, але Новый город, на юг од него, зачатый в року 1934 (група московскых архитекторох, ведучый Кузнецов А. И.) быв задуманый як културный и административный центер, мать широкы улицѣ, паркы и монументалны будовы. Центер города — район Юго-Восток, выставленый подля генералного плану з року 1971. Караганда — културный, научный и шпортовый центер региона.[3]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.