третий подля числа обывательох и тринадцятый подля площи город России From Wikipedia, the free encyclopedia
Новосибирск (до р. 1926 — Ново-Николаевск) — третий подля числа обывательох и тринадцятый подля площи город России.
Центер Сибирского федералного округа
Новосибирск
|
Административный центер Сибирского федералного округа, Новосибирской области и Новосибирского района[1]; город е центром Новосибирской агломерации. Торговый, дѣловый, културный, промысловый, транспортный и научный центер федералного вызнаму.
Число обывательох — 1 602 915 особ (2017).
Город лежить над Новосибирскым водоемом, вытвореным преградов Новосибирской гидроелектрарнѣ на рѣцѣ Обь. Территория города, в границях городской межѣ, чинить 502,7 км².[2]
За датум заложѣня Ново-Николаевска (стара назва Новосибирска) ся поважуе 12. май 1893, коли зачала ся выставба моста через Обь, де мала пролячи Транссибирска магистрала.[3] Статус города достав в року 1903.
В часѣ домовой войны в маю 1918 город быв заятый еднотков чехословацкой легии и въедно з дакотрыма другыма городами сформовав Автономну Сибирску републику, котра продержала ся до конця рока 1919. Року 1926 достав Ново-Николаевск свою теперѣшну назву, Новосибирск.
В часѣ Другой свѣтовой войны Новосибирск став ся великым промысловым центром, куды быв евакуованый вызнамный военный промысел, и мав велику ролю в переломѣ хода войны. Напримѣр, во выробѣ нищителя Ил-16, а в далшы рокы значок Як (конштруктера Яковлева), денно ся зготовило 28–30 бойовых аеропланох, а за рокы войны выробили их понад 15 тысяч.[4] В повоенный час в городѣ выробляли бойовый уран.
18. мая 1957 уряд СССР постановив организовати в Новосибирску Сибирске оддѣлѣня Академии наук СССР.[5]
Город е вызнамным промысловым центром, в промыслѣ занято понад 400 тыс. особ. Подля обсягу економики, як вызначив Mc Kinsey Global Institute, в року 2010 грубый промысловый продукт Новосибирска чинив 15 млрд. доллары (15 тыс. доллары на едного обывателя).[6]
Новосибирск — единкый город Сибири, што мать метро. Фунгуе од 28. децембра 1985 и мать днесь 13 штаций и метромост через рѣку Обь, рочно перевозить около 70 тыс. пассажерох.
Подля найновшых штудий, днесь Новосибирск практично утратив промыслову шпециализацию, намѣсто того розвивать динамично сектор служб, транспорт, логистику и науку.[7]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.