Хардааччы

Хардааччы (нууч. Дербник, лат. Falco columbarius) — мохсоҕоллор биистэрин уустарыгар киирэр тыҥырахтаах көтөр.

Хардааччы

Falco columbarius

Тайҕаҕа уонна ойуурдаах туундараҕа олохсуйар. Сүнньүнэн кыра көтөрдөрүнэн аһылыктанар. Үөһэ көтө сылдьар күөрэгэйдэри тутарынан биллэр. Уйатын сиргэ, таас очуостарга, маска лабаалартан, сутукаттан, хатырыктан туттар. Уйатыгар 3-5 кытархай өҥнөөх элбэх бээтинэлэрдээх сымыыттаах буолар. 26-30 суукка иккиэн баттыыллар. 30-37 суукка оҕолоро уйаҕа баар буолаллар. Оҕолорун иккиэн аһаталлар.

Олоҥхоҕо Үөлэн Хардааччы — айыы бухатыырын аата (үөлэн суолтата - улахан, бөдөҥ-садаҥ, үөскүлэҥ)^[1].

Өссө маны көр

• Мохсоҕол
• Тыытыкы
• Харылыыр
• Хара кырбый
• Кугас кырбый
• Мохсоҕоллуҥулар