Харылыыр

Харылыыр (нууч. Кречет, лат. Falco rusticolus) — улахан мохсоҕол.

Харылыыр

Falco rusticolus

Өҥө маҥантан хараҥа бороҥҥо дылы араас буолар. Сотото араҕас. Тыһыта уонна атыыра майгынныыллар.

Туундараҕа уонна ойуурдаах туундараҕа олохсуйар. Сүнньүнэн орто уонна кыра көтөрдөрүнэн, дэҥҥэ кутуйахтарынан аһылыктанар. Уйатын таас очуостарга, маска мутуктартан, лабаалартан туттар. Уйатыгар 3-5 кытархай өҥнөөх кугас бээтинэлэрдээх сымыыттаах буолар. 28-30 суукка баттыыллар. 46-50-с сууккаларыгар оҕолоро көтөллөр.

ССРС Кыһыл кинигэтигэр — III категорияҕа, РФ Кыһыл кинигэтигэр — III категорияҕа, Саха сирин Кыһыл кинигэтигэр I категорияҕа киирэр.

Өссө маны көр

• Мохсоҕол
• Тыытыкы
• Хардааччы
• Хара кырбый
• Кугас кырбый
• Мохсоҕоллуҥулар

Туһаныллыбыт сирдэр

• Знаете ли вы птиц Якутии, Б. И. Сидоров, Бичик, 1999, ISBN 5-7696-0956-7