Максимов Христофор Трофимович
From Wikipedia, the free encyclopedia
Remove ads
Максимов Христофор Трофимович (08.04.1917—23.03.1980) — Саха АССР норуодунай артыыһа, саха аатырбыт ырыаһыта, ырыа айааччыта.
Олоҕун олуктара
Амма Сулҕаччытыгар дьадаҥы бааһынай кэргэҥҥэ 1917 с. муус устар 8 төрөөбүт. Аҕата өрөпкүөмҥэ кыттыбытын иһин 1921 с. ытыллыбыт. 1936 с. Абаҕа оскуолатын 6 кылааһын бүтэрбит.
1937 с. Дьокуускайга самодеятельнай куруһуоктар художественнай салайааччыларын куурустарын бүтэрбит. Онтон Амма уонна Мэҥэ Хаҥалас култууратын дьиэлэригэр худруктаабыт, Майаҕа I государственнай колхуоһунай драма театрыгар, Ньурбаҕа II государственнай колхуоһунай драма театрыгар артыыстаабыт, Үөһээ Бүлүү уонна Ньурба судаарыстыбаннай көһө сылдьар тыйаатырдарыгар онтон Дьокуускайдааҕы судаарыстыбаннай музыка драма тыйаатырыгар үлэлээбит.
1980 сыллаахха кулун тутар 23 күнүгэр күн сириттэн барбыт.
Remove ads
Айар үлэтэ
1937—1970 сс. X. Максимов эстрада артыыһын быһыытынан сценаҕа да, араадьыйаҕа да тахсыбыта. 300-чэкэ творческай концерт оҥорбут диэн ааҕаллар.
Самодеятельнай композитор X. Максимов 400-тэн тахса ырыа мелодиятын суруйбута, онтон 80 ырыата идэтийбит композитордар тупсарыыларын кэннэ хомуурунньуктарга тахсыбыттара: «Үлэ, таптал ырыалара» (Песни труда и любви, 1962), «Дьол иһин» (За мир и счастье, 1970), "Суун сибэкки сиигинэн" (1992), "Күнү олус таптыыбын" (2002). Өссө сүүс ырыа бэчээккэ бэлэмнэнэн Норуот айымньытын дьиэтигэр туттарыллыбыттара.
Улахан айымньылартан С. Дадаскинов «Күн тааһа» сюитатыгар музыкатын ааттыахха сөп. X. Максимов драма спектакылларыгар музыка айбыта биллэр, холобур, Күннүк Уурастыырап «За мир!», Л. Попов «Беспокойный отдых», И. Алексеев «Вилюйский узник», И. Бочкарев «На восходе» пьесаларыгар.
1968 сыллаахха «Утро долгого дня» (Рига киностудията, режиссер А. Неретниеце) киинэҕэ Додор оруолун оонньообута.
Бастыҥ ырыалара
- Учууталга (Амма Аччыгыйын тыллара)
- «Өрүүнэ»
- «Хаппытыан»
- «Боккуойа»
Remove ads
Наҕараадалара уонна ытык ааттара
- «Аҕа дойду 1941—1945 сс. сэриитигэр килбиэннээх үлэтин иһин» мэтээл
- Саха АССР үтүөлээх артыыһа (1958)
- Саха АССР норуодунай артыыһа (1962)
Аатын үйэтитии
Дьокуускай Дууматын быһаарытынан Максимов аатынан 2017 сыллаахха ахсынньы 20 к. Дьокуускайга Хатыҥ Үрэххэ саҥа уулусса ааттаммыта[1]
Өссө маны көр
Сигэлэр
Быһаарыылар
Wikiwand - on
Seamless Wikipedia browsing. On steroids.
Remove ads