Попова Марина Константиновна

Попова Марина Константиновна (Эдьиий Марыына) (24.03.1926—16.07.2014) — ырыаһыт, Саха АССР норуодунай артыыһа.

Марыына Попова Эдьиий Марыына
Төрөөбүт аата:	Попова Марина Константиновна
Үлэтэ:	опера ырыаһыта
Төрөөбүт күнэ:	24 кулун тутар 1926({{padleft:1926|4|0}}-{{padleft:3|2|0}}-{{padleft:24|2|0}})
Төрөөбүт сирэ:	Бастакы Холгума нэһилиэгэ, Мэҥэ-Хаҥалас улууһа, Саха АССР
Дойдута:	ССРС ССРС → Арассыыйа Арассыыйа
Өлбүт күнэ:	16 от ыйын 2014({{padleft:2014|4|0}}-{{padleft:7|2|0}}-{{padleft:16|2|0}}) (88 сааһыгар)
Өлбүт сирэ:	Дьокуускай
Наҕараадалара:

Бикипиэдьийэҕэ маннык араспаанньалаах дьон туһунан ыстатыйалар бааллар, көр Попов.

Олоҕун олуктара

• 1926 сыллаахха кулун тутар 24 күнүгэр Мэҥэ-Хаҥалас улууһун Бастакы Холгума нэһилиэгэр төрөөбүт.
• 1946 сылтан музыка театр-студиятын хорун ырыаhыта.
• 1948—1951 сылларга Дьокуускай радиокомитет хорун ырыаһыта.
• 1956 сыллаахха М. П. Мусоргскай аатынан Ураллааҕы консерватория опернай студиятын бүтэрбит.
• 1956 сылтан Саха государственнай музыкальнай-драматическай театрын, кэлин Суорун Омоллоон аатынан Саха государственнай опера уонна балет театрын артыыһа.
• 2014 сыллаахха от ыйын 16 күнүгэр Дьокуускайга ыалдьан өлбүт.

Айар үлэтэ

Театрга толорбут партиялара

• Ларина, Ольга, Няня (П. Чайковскай «Евгений Онегин» оператыгар (1949)
• Кыыс Кыскыйдаан, Аан Алахчын хотун (М. Жирков уонна Г. Литинскай «Ньургун Боотур»)
• Алгыма уонна Чычып-Чаап (Г. Григорян «Лоокуут уонна Ньургуһун»)
• Сата (Г. Комраков уонна Э. Алексеев «Манчаары туһунан ырыа»)
• Аксинья (Т. Хренников «В бурю»)

Ырыалара

Марыына Попова 1961 сылтан Саха Сиригэр уонна таһыгар 500-н тахса концерт биэрбит, репертуара 100-н тахса ырыалаах.

Кини Г. Григорян, Г. Комраков, П. Иванова уонна да атын ааптардар ырыаларын бастакы толорооччу.

Наҕараадалара уонна ытык ааттара

• Саха АССР үтүөлээх артыыһа (1965)
• Саха АССР норуодунай артыыһа (1972)
• П. А. Ойуунускай аатынан Саха Өрөспүүбүлүкэтин Государственнай бириэмийэтин лауреата (1998)
• Мэҥэ-Хаҥалас улууһун ытык киһитэ^[1] (1997)
• Дьокуускай куорат ытык киһитэ (2003)^[2] (2002)
• Саха Өрөспүүбүлүкэтин ытык киһитэ (2012)^[3]