Lanzarote

Lanzarote est una de sas ìsulas de s'artzipèlagu de sas Canàrias.^[1] Paris cun sas ìsulas de Gran Canària,^[2] Fuerteventura^[3] e La Graciosa format sa provìntzia de Las Palmas (in sa Comunidade Autònoma de sas Canàrias), in s'Otzèanu Atlànticu, in antis a sas costeras de su sud de su Marrocu. Sa capitale est Arrecife;^[4] portu naturale, e tzentru agrìculu e industriale.^[5] Sa populatzione est connota cun nùmene de lanzaroteños o conejeros (conilleris).

Artìculu in LSC

Bista satellitare. In su norte si podet fintzas annoditzare s'ìsuledda La Graciosa

Posidura in s'artzipèlagu

Depet su nùmene a s'italianu Lancellotto Malocello, chie l'aiat bisitada in su de 14 sèculos. No fiat istada conchistada fintzas a s'ispeditzione de Jean de Béthencourt (1402), chi diat acabare amparende·si de totu s'artzipèlagu.^[6]

Est dividida in 7 munitzìpios: Arrecife, Haría, San Bartolomé, Teguise, Tías, Tinajo e Yaiza. Cun 141.938 bividores e istèrrida de 791 km², Lanzarote est sa de tres ìsulas prus pobuladas dae sas Canàrias, a pustis de Tenerife e Gran Canària e sa de bator pro tirada a fatu de sas duas fentomadas e de Fuerteventura. In su tzentru-sud-ovest de s'ìsula b'at su Parcu Natzionale de Timanfaya, chi est una de sas printzipales atratziones turìsticas de Lanzarote. Totu s'ìsula est dae su 1993 Reserva de sa Bioisfera de s'UNESCO.

Àteros progetos

1. Canàries (XML), in enciclopedia.cat.
2. Gran Canària (XML), in enciclopedia.cat.
3. Fuerteventura (XML), in enciclopedia.cat.
4. Lanzarote (XML), in enciclopedia.cat.
5. Arrecife (XML), in enciclopedia.cat.
6. Lanzarote (XML), in enciclopedia.cat.