![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/41/Poltergeist-Therese_Selles.jpg/640px-Poltergeist-Therese_Selles.jpg&w=640&q=50)
Poltergeist
From Wikipedia, the free encyclopedia
Unu Poltergeist (dae su tedescu poltern, fàghere burdellu, e Geist, pantuma) est unu fenòmenu ispantosu o paranormale chi pigat in contu cale si siat fatu pertzetìbile, de natura violenta e diferente a is leges fìsicas, produidu dae un'entidade o energia non reconnota.[1]
![](http://upload.wikimedia.org/wikipedia/commons/thumb/4/4e/Flag_of_Sardinia%2C_Italy.svg/26px-Flag_of_Sardinia%2C_Italy.svg.png)
![](http://upload.wikimedia.org/wikipedia/commons/thumb/4/4e/Flag_of_Sardinia%2C_Italy.svg/26px-Flag_of_Sardinia%2C_Italy.svg.png)
campidanesu · logudoresu · nugoresu
![Thumb image](http://upload.wikimedia.org/wikipedia/commons/thumb/4/41/Poltergeist-Therese_Selles.jpg/320px-Poltergeist-Therese_Selles.jpg)
Su trèmene s'usat de costùmene in manera collochiale pro definire totu sos eventos violentos chi acontessent in unu logu chi si suponet siat afaturadu e chi non intretzat cun sa normalidade fìsica. Intre is fenòmenos poltergeist, s'incluent, in generale, sonos inespricàbiles, mòvidas de ogetos inanimados, materializatzione, isparessimentu de èdulos, fragos insòlitos e atacos fìsicos. S'entidade impertzetìbile chi ingènnerat custos fatos, segundu sa parapsicologia, diat èssere èssere una pantuma o entidade assòtziada a una persone morta. Puru podet èssere causadu dae telechinesi incuscèntzia derivada dae istrachimine o tensione emotiva.
Segundu unos cantos custos fatos sunt de atribuire a fenòmenos fìsicos proados comente s'eletritzidade istàtica, is campos eletromagnèticos, s'àera ionizada, is infrasonos o sos ultrasonos. Tambene diant pòdere derivare de simpres allutzinaduras causadas dae atoscamentu de monòssidu de carbòniu.
Custos fenòmenos sunt reportados dae printzìpios de s'umanidade, in sa majoria de is culturas e paisos, e est tando, cun s'era tecnològica, chi sunt registrados in imàgine, vìdeu o àudio. S'esistèntzia de custos fenòmenos, mai averguada, fiat ipotizada giai in tempos de is Romanos e si nde faghet ammentu in documentos de su Mesuevu in Germània, Galles e Cina.