NOR (domo editora)

Sa NOR est una domo editora sarda, cun sede in Ilartzi.

Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

campidanesu · logudoresu · nugoresu

Istòria

Fundada in su 2010 dae Frantziscu Cheratzu comente sotziedade editoriale digitale, in su 2012 at incumintzadu a ismanniare s'oferta sua, annanghende·bi publicatziones in pabiru, imprenta a rechesta e multimediale.

S'orìgine de su nùmene est sa paràula Nor/nur, tèrmine indoeuropeu chi cheret nàrrere 'lughe'^[1]

Una de sas primas sèries de libros publicados est istada "Le Grazie", sèrie de totu sas òperas de su prèmiu nobel Gràtzia Deledda in italianu e calicuna in sardu, portoghesu, ispagnolu, inglesu e tedescu.^[1][2]

A pustis, at incumentzadu a s'ocupare de àteros argumentos: cultura sarda traditzionale,^[3][4] literadura e poesia sardas cuntemporàneas,^{[5][6][7][8][9]} archeologia,^[10] istòria, arte, linguìstica e fintzas libros pro pitzinnos.