NuMachine

Sa NuMachine, o Nu Machine, fiat unu de is primos elaboradores pro istatziones de traballu basados in micro-protzessores, progetadu pro s'acapiare a retzas locales. Est istada isvilupada in s'agabbu de is annos 70 in su Laboratòriu de Informàtica de su MIT dae su professore Steve Ward e su grupu suo de chirca in collaboratzione cun Western Digital.^[1][2] Sa NuMachine fiat basada in su 68010 e funtzionaiat a 10 MHz.^[3] Su progetu includiat s'isvilupu de TRIX, una variante de su sistema operativu Unix.

Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

campidanesu · logudoresu · nugoresu

Sa NuMachine est istada isvilupada dae Western Digital cun intentu cummertziale, ma at detzìdidu a pustis de no intrare in su cummèrtziu de is istatziones de traballu.^[3] Est istada comporada dae Texas Instruments in su 1983.^[4] Texas Instruments at abbandonadu su progetu NuMachine in su 1985 a benefìtziu de su TI Explorer.^[5]

S'erèntzia printzipale sua est s'architetura de bus chi ddi narant NuBus e est istada adotada a pustis dae Apple Computer pro su Macintosh II e dae NeXT, e at influentzadu su progetu de su bus PCI. Su sistema operativu TRIX est istadu impreadu dae su Progetu GNU pro sa prima tenta de isvilupare su nùcleu de su sistema operativu.