Castellucciu

U situ archiulòggicu dû Castiḍḍuzzu s'attrova a 20 chilòmitri di Notu, nnâ pruvincia di Saragusa e custituisci na mpurtanti stazziuni priistòrica ca detti macari u nomu a na pruduzziuni ciràmica datàbbili ntra u 2200 e u 1400 a.C., carattirizzata di na ciràmica a funnu giallu o russazzu, tinciuta cu linii scuri o nìjuri e certi voti cu urnamenta di culuri jancu, a mentri i dicurazziuna su' arridduciuti a picca varianti o, spissu, su' arripituti. U stili fa capiri ca cc'èranu cuntatti rigulari cu l’ìsula di Malta.

U situ archiulòggicu si trova ncapu a nu pizzu pitrusu, unni è pussìbbili abbìdiri sulu picca rimanenzi dû villaggiu priistoricu, ma si vìdinu ancora i vistìbbula a pilastra e i trasuti scurputi dî "tummi a 'rutticeḍḍa artificiali", unni foru truvati assai matiriali ciràmichi.

Nni nu vaḍḍuni vicinu a stu situ, 'n lucalità "Cava dâ Signura", foru truvati tanti autri tummi a 'rutticeḍḍa artificiali.

Tutti i riperta archiulòggici su' sarbati nnô Museu Archiulòggicu di Saragusa.

Siti archiològgichi dâ Sicilia

Adranon (Adranu)  • Akragas (Girgenti) • Akrai (Palazzolu Acrèidi) • Akrillai • Antichità di Catania • Casmeni • Castellucciu • Catacummi di Sarausa • Cava d'Ispica • Cefalù • Centuripe • Culli Maduri • Cullina di Sant’Ippòlitu • Eloru • Eraclea Minoa • Imera • Kamarina  • Marsala • Megara Hyblaea • Morgantina • Mozzia • Munti Adranuni • Notu Antica • Pantalica • Parcu Archiòloggicu dâ Neapolis • Sammuca Zabut. • Seggesta • Silinunti • Thapsos • Ustica • Villa Rumana dû Casali (Chiazza) • Villa Rumana di Castruriali • Villa rumana dû Tellaru • Voscu Littòriu-Ampòriu arcàicu-Gela