Friedrich Nietzsche

Fidiricu Gugghiermu Nietzsche (Tudiscu: Friedrich Wilhelm; Röcken, 15 di uttùviru 1844 - Weimar 25 di austu 1900) fu nu filòsufu, criticu curturali, musicista, pueta e filòlugu tudiscu, lu sò travagghiu appi na granni nfluenza ntâ filòsufia di oi.^[1]^[2]^[3]^[4]^[5] Accumminzau comu filòlugu classicu, fu lu cchiù giùvini chi mai appi la cattidra di Filoluggìa Classica nta l'Univirsitati di Basilea, ntô 1869 quannu iddu aveva 24 anni.^[6] Nietzsche lassau ntô 1879 pi prubblemi di saluti chi tinni pi la majuri parti dâ sò vita; finìu casi tuttu lu cori dâ sò opira ntî deci anni siquenti.^[7] Ntô 1889, a 44 anni, cullassau e doppu zò appi na cumpleta pirduta dî sò facurtà dâ capu. Campau l'anni ristanti ntâ cura di la matri finu â sò morti ntô 1897 e doppu câ sò soru Elisabbetta Förster-Nietzsche. Nietzsche murìu ntô 1900.^[8]

Thumb — Nietzsche fotografatu ntô 1882 a Naumburg.

Ntî l'òpri di Nietzsche avemu pulemica filosòfica, puisìa, critica curturali e narrativa, accumpagnati cu citazzioni e irunìa.^[9] Ntî principali banni di la sò filusufìa tinemu la sò critica radicali di la virità, cu lu pruspittivismu; na critica genialòggica di la riliggiuni e la morali cristiana e quinni la tiurìa di la morali patruni-schiavu;^[10]^[11] lu diri di sì estèticu a l'esistenza cuntru la "morti di Diu" e la granni crisi dû nichilismu;^[10] l'idea di forzi apollinìi e dionisiachi; e capiri l'èssiri umanu comu nu nzemi di vogghi una cuntru l'autra, quisti chiamati vogghia di putiri.^[12] Iddu è puru lu nvinturi di idee nfluenti comu lu Superomu e l'Eternu ritornu.^[13]^[14] Ntî li sò urtimi òpri, addivintau sempri di cchiù aggitatu supra li capacitati criativi di l'indivìduu, dì vinciri norma morali e curturali, pì criari novi valuri e pâ saluti estetica.^[15] Ntû corpus di la sò opra parrau di nu granni nzemi d'argumenti, comu l'arti, la filologgìa, la storia, la riliggiuni, la traggèdia, la curtura, la scienza, e fu nfluenzatu ntî primi tempi di pirsunaggi comu lu filòsufu Arturu Schopenhauer,^[16] u musicista Riccardu Wagner,^[16] e lu scritturi Giuvanni Wolfgang von Goethe.^[16]

Doppu sâ morti, sò soru Elisabbetta addivintau a patruna e editura di li manuscritti di Nietzsche. Idda canciau li sò manoscritti chi n'eranu ancora stati pubblicati, accusì ca putissiru serviri pâ sò idiologgìa nazziunalistica tudisca, spissu cuntraddicennu e livannu li pinsieri d'iddu, pirchì eranu chiaramenti cuntru l'antisimitismu e lu nazziunalismu. Grazzi a li virsioni di idda, l'òpra di Nietzsche fu missa nzemi ô Nazzismu e lu Fascismu;^[17] studiusi di lu ventèsimu seculu foru cuntru quisti assuciazzioni, e novi edizzioni curriggiuti foru n picca tempu dispunibbili. Lu pensieru di Nietzsche appi novu successu ntî l'anni sissanta, e li sò idee hannu di allura avutu na granni diffusioni ntra li filòsufi di dui secoli. Particularmenti ntî scoli di la filosufìa continentali, comu l'esistenzialismu, lu postmudernismu e lu poststrutturalismu, ma puru nta l'arte, la psicoluggìa, la pulìtica e a curtura populari.^[18]^[19]^[15]^[20]^[21]

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]

[20]

[21]

Friedrich Nietzsche

Vita

Giuvintù (1844-1869)

Prufissuri a Basilea (1869-1878)

Filòsufu nnipinnenti (1879-1888)

Malatìa dâ capu e morti (1889-1900)

Citatinanza, nazziunalitati e etnia

Relazioni e sessualitati

Musicista

Filòsufia

Apolliniu e Dionisiacu

Pruspittivismu

La "rivota dî schiavi" ntâ morali

Morti di Diu e nichilismu

Vogghia di putiri

Eternu ritornu

Superomu

Critica dâ curtura di massa

Littura e nfluenza

Lu capiri e redità

Òpri

Talìa puru

Rifirenzi

Liami di fora

Pi sapiri chiossai

Wikiwand - on