Frivaru 2013
From Wikipedia, the free encyclopedia
Remove ads
Sicilia e cuntinenti
- Roma: Lu muVumentu 5 stiddi di Peppi Grillu suprenni tutti cu n quartu dî voti â càmmira e ô sinatu. Lu Partitu Dimucraticu di Pierluiggi Bersani agghica n testa, ma nun havi li nùmmura pi cuvirnai sulu, e mancu cu li partiti dâ sò cualizzioni, a causa dâ ripartizzioni dî seggi ô sinatu. Lu partitu di Silviu Berlusconi agghica darreri la cualizzioni di Bersani.
- Roma: Nti tutta l'Italia l'elizzioni pô rinnovu dû parramentu e dû sinatu sunu n cursu.
- Catania: Ntâ nuttata ci fu na eruzzioni di l'Etna, visìbbili dâ costa Jonica, ma di na durata di na pocu di uri.
- Sanremu: Lu cantanti Marcu Mengoni vinciu la 63esima edizzioni dû festival dâ canzuni.
- Reggiu Calàbbria: Nti n'upirazzioni di Polizzia fu arristatu nu espunenti piriculu dâ 'ndrànghita, lu boss Duminicu Liotta, ricircatu di lu 2010.
Remove ads
Munnu
- Chelyabinsk: Nu mitiuriti di nu pisu stimatu di circa 10000 tunnillati cadìu ntê vicinanzi dâ granni cità russa di l'Urali, causannu danni e nu migghiaru di firuti causati dî vitra ca lu bottu dû mitirutiri fici rùmpiri. Quarchi ura doppu, n'àutru corpu cilesti, lastiroidi 2012 DA14, di circa 100000 tunnillati, e ca nun ci trasi nenti cû primu mitiuriti, passau a sulu 27'700 chilòmitri dâ supirfici dâ Terra.
- Citati dû Vaticanu: Lu papa Binidittu XVI annunciau lu ritiru mutivànnulu cu na mancanza di forzi pi guidari la chiesia. L'ùrtumu papa ca rinunciau â sò funzioni prima di mòriri avìa statu ntô XIV sèculu.
- Tunisi: Lu capu di l'uppusizzioni laica ô riggimi dû cuvernu di Ennahda (Muvumentu dâ Rinascita), Chokri Belaid, fu ammazzatu â sciuta di sò casa. Manifestazzioni assai mpurtanti purtaru â dimissioni di diversi espunenti dâ custituenti, e a l'annunciu di nu cuvernu novu di unitati nazziunali.
- Pariggi: L'assimblea nazziunali francisi appruvau lu primu articulu di la liggi supra lu matrimoniu secunnu cui si pònnu spusari du' pirsuni di sessu diversu o di lu stissu sessu.
Remove ads
Wikiwand - on
Seamless Wikipedia browsing. On steroids.
Remove ads