Giugnettu 2009
From Wikipedia, the free encyclopedia
Remove ads
Italia
- Catania: Fu grapùtu lu trattu di l'autostrata Sarausa-Catania tra la circonvallazzioni di Catania e lu svinculu di Lintini. Tra quarchi misi s'avissi a gràpiri l'urtima quinnicina di chilòmitri chi restanu tra Lintini e lu svinculu di Villasmundu unni l'autostrata appoi cuntinua nzinu a Rusalini.
- Missina: Nu carusu di 8 anni, Rosolinu Canniu, di Enna, battiu lu record pi èssiri lu cchiù nicu a aviri natatu attravirsannu lu strittu di Missina (funti: La repubblica)
- Agrigentu: n sequitu a nfaggini, la prucura dâ ripùbbrica fici arristari lu sìnnicu di Lampidusa, Birnardinu De Rubeis, cu l'accusa di cuncussioni. Secunnu l'accusi, addumannau diversi dicini di migghiara di euru pi accilirari na pratica riscussioni.
- Kabul: Nu surdatu paracadutista di l'esercitu origginariu di Campubbassu fu ammazzatu n Afganistan ntî n'attintatu dî talibbani.
- L'Aquila: Accuminzau la riunioni dû G8, chi ntî jorna succissivi è allaricata a 14 paisi. Agghicaru li cchiù mpurtanti capi di statu, tra cui Barak Obama, Dimitri Medvedev, Angela Merkel e Nicolas Sarkozy, chi foru purtati a taliari puru li danni dû ricenti tirrimotu chi curpìu la zona.
Remove ads
Munnu
- Majorca: N'attintatu attribbuitu all'ETA, l'urganizzazzioni tirrurista dî Paisi Baschi, fici du' morti. Sei pirsuni foru già firmati dâ polizzia spagnola cu l'accusa di aviri participatu all'attintatu.
- Washington: Lu prisidenti miricanu Barack Obama riciviu â Casa Janca l'equipaggiu di l'Apollu 11 dâ NASA all'occasioni dû 40èsimu annivirsariu dâ cunquista dâ Luna: Neil Armstrong, Buzz Aldrin e Michael Collins, ristatu n'òrbita a aspittari li cumpagni sbarcati â Luna.
- Verbier: Alberto Contador, già vincituri dû Tour de France ntô 2007, vinci la prima tappa di muntagna di l'edizzioni 2009 dû Tour, e si varagna la magghia gialla. Lu sò cumpagnu di squatra, Lance Armstrong, puru iddu, vincituri dû Tour diversi voti, agghica darrèri di circa un minutu e menzu, ma resta secunnu ntâ classifica ginirali.
- Giacarta: N'attintatu tirrurista cu espulsioni di bummi ntî du' hotel di lussu dâ capitali indonesiana fannu 9 morti.
- Teheran: N'aeriu dâ Caspian Airlines direttu a Erevan n Armenia, pigghiau focu deci minuti doppu lu dicollu, e cadìu ntî na riggiuni disabbitata ntô nord di l'Iran facennu cchiossai di 160 morti.
- Urumqi: Ntâ riggiuni autònuma dû Xinjiang, lu cuvernu riprimiu na rivorta dâ minuranza uigura, di cunfissioni mussurmana. Si cuntaru cchiossai di 150 morti.
- Wimbledon: Doppu na partita di tennis chi durau cchiossai di 4 uri, Roger Federer vinciu la finali contra Andy Roddick, agghicannu accussì a sei vittori a Wimbledon e 15 vittori dû Granni Slam, battennu accussì lu record di Pete Sampras chi n'avia vinciutu 14.
Remove ads
Wikiwand - on
Seamless Wikipedia browsing. On steroids.
Remove ads