Mozzia
From Wikipedia, the free encyclopedia
Remove ads
Mòzzia (Mothia, 'n latinu; Mozia, in italianu) è na isuledda finiciu-pùnica ntô centru di lu stagnuni di Marsala, nu trattu di mari quasi chiusu e vasciu, a cchiù picca di nu chilòmitru dâ punta di terra chiù vicina di Marsala, ora riserva naturali, stisa circa 10 sarmi.
Storia
La sò esistenza fu muntiviata di Tucididi chi situa la funnazzioni ô sèculu VIII/VII a.C. Addiventa lu chiù mpurtanti centru pùnicu dâ Sicilia, cuntisu dî greci e dî cartaginisi. Nnô 397 a.C. veni distrutta di Dionisiu lu vecchiu di Sarausa; li muzziani scappanu e nnâ terraferma di frunti fùnnanu Lylibeum, ora Marsala; accussì Mozzia sparisci di la storia.
Archiuluggìa
Sulu nnô sèculu scursu si scupri chi l'isuledda di San Pantaleu è l' antica Mozzia. L'isuledda è un veru e propiu museu archiulòggicu a l'apertu: è tutta ruvini antichi, circundata di na cinta muraria cu turri e porti e cu na strata lastricata sutta l'acqua dû mari chi la cullega a la terraferma.
.png)
China di abbitazioni finicî e grechi: la Necròpuli; lu Tofet: un santuariu pî riti sacrificali; lu Kothon: un purticeddu artificiali scavatu a l'internu di l'isuledda cû funnu lastricatu; un Museu chinu di cosi antichìssimi e mpurtantìssimi e cu na statua greca truvata a Mozzia nnô 1979 di straurdinaria biddizza: un picciottu affimminatu vistutu cu nna tùnica plissittata chi strinci e sàguma lu corpu.
Remove ads
Pi sapìrinni chiossai
Wikiwand - on
Seamless Wikipedia browsing. On steroids.
Remove ads