Sittèmmiru 2008
From Wikipedia, the free encyclopedia
Remove ads
2 di sittèmmiru, lunidìa
- Portupalu: Sbarcaru 27 clannistini. Li scafisti foru arristati.
6 di sittèmmiru, sabbatudìa
- Pakistan: Asif Ali Zardari veni elettu lu novu prisidenti dû Pakistan.
8 di sittèmmiru, lunidìa
- Italia: Accumincia stasira ê 20,10, ntô canali tilivisivu "RAI Tri", lu novu sciniggiatu di tipu "soap opera" Agroduci, ntiramenti girata 'n Sicilia.
10 di sittèmmiru, mercuridìa
- Ginevra: Lu LHC, lu cchiù granni acciliraturi di particeddi esistenti, fu inauguratu cu na seri di fasci di prutoni fatti furriari ntî dui sensi dû tunnel, pi mettiri ô puntu l'urtimi rigulazzioni pû funziunamentu difinitivu.
13 di sittèmmiru, sabutudìa
- Palermu: Lu US Palermu battìu la AS Roma ntâ secunna jurnata dû campiunatu di palluni di seria A. Lu Catania, chi vincìu la simana passata, sta simana persi.
- Salsumaggiuri: La mudella acitana Miriam Leone vincìu lu cuncursu nazziunali di Miss Italia. Secunna arrivau n'àutra siciliana catanisa, Mariana di Martino; n'àutra di Favara è tra li primi cincu e ancora na palermitana e n'àutri dui catanisi arrivaru tra li primi deci. Na cosa di chissa nun avìa mai succidutu: la Sicilia veni cunfirmata terra di li fìmmini beddi.
14 di sittèmmiru, dumincadìa
16 di sittèmmiru, martidìa
- Kiev: La culazzioni di cuvernu di Iulia Timoschenko, filu-uccidintali, rassignau li dimissioni ô prisidenti Viktor Yuschenko, grapennu accussì na nova crisi di cuvernu.
21 di sittèmmiru, dumincadìa
- Roma: La cumpagnia aeria Alitalia, rischia di falliri siddu nu s'attrova entru picca jorna n'accordu pi la ristrutturazzioni.
- Pakistan: Attintatu ô Marriott Hotel di Islamabad accapa c'armenu 60 morti.
25 di sittèmmiru, jovidìa
- Pechinu: La Cina mannau ntô spazziu la navicedda Shenzou 7 cu tri astronauti. Unu di chisti avissi a nesciri fora pi la prima passiata ntô spazziu dumani o passannadumani.
30 di sittèmmiru, martidìa
- Parma: Nu carusu di 22 anni dû Gana addinunziau setti vìggili urbani ca, doppu avìrilu firmatu a nisciuta dâ scola, dici lu carusu, ci dèttiru corpa e lu nzuttaru dicènnucci "nìuru lordu" (sporco negro 'n talianu). Li vìggili dìciunu ca non è veru, ma lu picciottu havi pirò n'occhiu pistatu e ntô virbali di fermu fattu ô cumannu e cunzignatu appoi ô giuvini ci fù scrivutu, ammeci dû nomu e cugnomu (Emanuel Foster), "Emmanuel negro".
- Pianeta Marti: Supra a Marti casca la nivi. La sonda spazziali Phoenix vitti ca a quarchi quattru chilòmitri di unni idda attirrau, ci sù nuvula di unni casca la nivi ca, pirò, apprima d'agghicarri ntô solu di Marti addiventa vapuri.
Remove ads
Viditi puru
Wikiwand - on
Seamless Wikipedia browsing. On steroids.
Remove ads