Itália presideanta
From Wikipedia, the free encyclopedia
Itália dásseválddi presideanta (itáliagillii: presidente della Repubblica) lea Itália stáhtaoaivámuš. Presideantta válljejit čiehča jagi áigodahkii Itália parlameanta ja golbma sáttaolbmo Itália viđa iešstivrenguovllus earret Aostavákkis mas lea dušše okta sáttaolmmoš.[1] Itália vuođđolága artikla 84 mielde presideanttaevttohas ferte leat Itália riikkavuloš, unnimustá 50-jahkásaš maŋimustá válljenbeaivve ja sis ferte leat Itálias dievaslaš riikkavulošvuoigatvuođat.[1]
Dálá presideanta lea Sergio Mattarella gii álggii virgái guovvamánu 3. b. 2015. Vaikko son lea riikka guoktenuppelogát presideanta, son lea vuosttaš Sisilias eret.
Presideantta virgeásodat lea Quirinal-šloahtta Romas.