Tawakkul Karman

Tawakkol Abdulsalam Khalid Karman (arábagillii: توكل عبد السلام خالد كرمان‎, Tawakkul 'Abd us-Salām Khalid Karmān, muhtumin Tawakel, Tawakul dahje Tawakkul Karman, (r. guovvamánu 7. b. 1979, Shar'ab as-Salam, Taiz eanagoddi, Jemen) lea jemenlaš journalista, politihkkár já olmmošvuoigatvuohtaaktivista. Jagi 2011 son vuittii Nobela ráfibálkkašumi ovttas Liberia presideanta Ellen Johnson Sirleafin ja liberialâš ráfiaktivista Leymah Gboweein.^[7][8][9]

Tawakkul Karman

Tawakkul Karman
توكل عبد السلام خالد كرمان
Tawakkul Karman jagi 2019
Riegádan	guovvamánu 7. beaivvi 1979:s(1979-02-07)[1][2][1] (46) Ta'izz[d], Ta'izz[d][3]
Riikkavulošvuohta	Jemen[4][5][6]
Bargu
Ámmát	fredsaktivist (nb) , journalista, politihkkár ja olmmošvuoigatvuohtaaktivista
Giella	arábagiella ja eaŋgalsgiella
Bálkkašumit	Nobela ráfibálkkašupmi
Lassedieđut
Ruovttusiidu	http://www.tawakkolkarman.net ja https://tkif.org/en/
Tawakkol Karman Wikimedia Commonsas

Govas gurut bealde: Tawakkul Karman, Leymah Gbowee ja Ellen Johnson Sirleaf Nobela ráfibálkkašumi juohkindilálašvuođas juovlamánu 10. b. 2011

Mánáidvuohta

Tawakkol Karman riegádii guovvamánu 7. b. 1979 Shar'ab as-Salamis, Taiz eanagottis, Jemen. Su eadni lea Anisah Hussein Abdullah Al Aswadi ja su áhčči advokáhta ja politihkkár Abdulsalam Khalid Karman.^[10] Karmanis leat golbma vielja ja guhtta oappá, om. doaimmaheaddji ja advokáhta Safa Karman ja diktár Tariq Karman.

Son náitalii Mohammed al-Nahmiin. Sudnos leat golbma päärni.^[10][11]

Skuvlen ja karrieara

Mánnán Karman orui Jemena goalmmádin stuorimus gávpoga Taiz lahka. Go su áhčči namahuvvui riekteáššiid ministtarin presideanta Ali Abdullah Saleh ráđđehusas 1990-logus,^[10] de bearaš fárrii Sanaai. Doppe Karman lohkagođii gávppašeami dieđa- ja teknologiijaallaskuvllas. Jagi 1999 son gearggai kandidáhtan. Dan maŋŋá son sirdašuvai Sanaa allaskuvlii, gos son logai stáhtadiehtagiid ja gearggai magisttarin.^[11]