Badza

Ribadza kana badza (kureva hoe muChingezi) pauwandu tichiti mapadza, mudziyo kana kuti turuzi rinoshandiswa kutimba, kuchera nekusakura. Badza rine mupinyi kana kuti mubato wakareba zviri pakati pe 0.5-1.0m; kune rimwe divi rebadza kunenge kune gwati resimbi rinopfekerwako rakachinjikana nemupinyi. Gwati resimbi iri ndiro rinotemeswa pasi kana kuchiitwa mabasa ekuchera, kutimba kana kusakura.

Mhando dzemapadza dinosanganisira: chikuruwo, chifengu.

Chikuruwo zvinoreva badza rasakara rapera gwati resimbi racho rinochera. Aka kanodanwa zvakare kuti: chimwango, kakuruwo kana kuti kaserima.

Munhu ari kusakura nebadza.

Tsika

MuZimbabwe mune mazita emhuri ane chekuita nebadza anosanganisira: Badza, Nyabadza, Badzarigere, Chikuruwo.

• Gwao, magwao (Old hoe) kureva gwau kana badza rasakara. Vamwe vangati mugwau. Zvichida ndipo panobva zita rokuti Mugawu?
• Muyangwa kana muvangwa (ridge on metal article).
• Kukaraura (Scratch ground with a hoe).
• Kuchera, kutsa kana kupanda (to dig).

• Kuambura (to dig, groundnuts, nyimo etc.) apa zvichireva kuchera nzungu kana nyimo.

Kurerutsa Mutauro

• Makwai makadzi manomwe aya unozoatora kubva munyara yangu kuti aite chapupu kwendiri, kuti ndini ndakatsa ichi chinyuka. (Mavambo 21:30 Bhaibheri reChiNdau).
• Badza harinyepi. A hoe tells no lies.
• Ungokutukira badza ungokupa hupfumi. The one who urges you to handle a hoe (for weeding) gives you riches.

Tsumo

• Chimwango chokukumbira hachina ndima.

Mitauro Imwe Yemu Africa

• Swahili vanoti kiselema kana kichelema (an implement (hoe, knife, pencil) that has been worn down by much use).
• Iton vanoti bàgbà (n. stick) kureva chimuti. Chichaga vanoti makumbi (n. hoes) kureva mapadza.