Mugdi

Mugdi (Af Ingiriis : Dark; Af Carabi : ar‎) waa caksiga (ka soo horjeedka) iftiinka. Sharaxaada saxda ah waa maqnaanta (la'aanta) ileyska. Marka meeli noqoto iftiin la'aan waxaa adkaata in wax la arko sababtoo ah waxay noqtotaa madoow. Isha bani'aadamka waxba ma arki karto marka meeli bilaa iftiin tahay, sababtoo ah araga waxaa caawiya iftiinka ileyska.^[1]

Kani waa maqaal ku saabsan mugdiga. Haku khaldin midabka madoowga.

Boga "iftiin la'aan" iyo "ileys la'aan" halkan ayaa laga soo toosiyay.

Samaysanka iftiinka

Guud ahaan, mugdigu waa mid dadku neceb yahay isla markaana la xidhiidha cabsi, naxdin, murugo, geeri iyo wixii la mid ah.

Sharaxaada Saynis

Aragtida

Fiiri sawirkan hal daqiiqo, ka dib ka jeeso. Waxaad arki muuqaal nooc kale ah.

Aragtida mugdigu waa ku kala duwan yahay indhaha dadka, sababtoo ah isha dadku isku mid uma aragto midabka. Marka aragu si fiican u shaqeeynayo waxaa bu'da ishu soo ururisaa iftiinka ku hareersan ka dibna sawir buuxa ka sameeysaa.^[2]

Fisigiska

Marka la tixraaco sharciyada cilmiga Fisikiska, walax kasta waa mugdi marka ay nuugto dhamaan unugyada fotoniska taasi oo keenta in walaxdaasi u muuqato mid madoow ah marka la barbar dhigo walaxyada kale een nuugin fotooniska. Tusaale ahaam, rinjiga madoow ma soo celiyo ileyska muuqda waxaanay u muuqdaa midabkaasi mid mugdi ah sababtoo ah wuxuu liqaa unugyada fotoniska; si taasi ka duwan rinjiga cadaanka ah wuu soo celiyaa falaadhaha iftiinka ah taasi oo ka dhigeysa wax aad u iftiimaya.^[3] Sharaxaad badan waxaad ka heli kartaa midabka.

Guud ahaan, ileyska iftiinka ma ahan mid walaxi wada liqi karto. Marka la fiiriyo astaamaha awooda, awood ma ahan wax la abuuri karo ama la burburin karo; nidaamka kali ah ee la samayn karo waa in la isku bedelo.^[4] Marka waxaa laga yaabaa in walaxi u muuqato mugdi laakiin sida rasmiga ah ay leedahay iftiin aanu ishu qaban karin.

Muuqaalka

• Muuqaalada Mugdiga
• 
• 
• 
• 
• 

Midabo Kale