Albanian Screen
From Wikipedia, the free encyclopedia
Remove ads
Albanian Screen (AS) ishte një televizion kombëtar shqiptar me seli në Tiranë, Shqipëri. Ai u themelua në 2000 si Televizioni Kombëtar Alsat nën drejtimin e ndërmarrësit Vebi Velijës. Alsat ishte shkurt për "Albanian Satellite Television".[1] Ai ishte televizioni i katërt privat në tregun shqiptar, dhe në 2003 u bë i pari televizion shqiptar i qasshëm përmes sinjalit satelitor Eutelsat.[2][3] Televizioni me përmbajtje ishte gjeneralist.
AS mbuloi me valë tokësore të gjithë territorin e Shqipërisë, me sinjal digjital tokësor qytetin e Tiranës, dhe transmetoi në valët satelitore Eutelsat përgjatë të gjithë territorit të Evropës, Amerikës Veriore dhe Azisë.
Në mars 2006 u themelua kanali simotër Alsat-M (tash duke e trashëguar emrin Alsat), si dega e saj në Maqedoninë e Veriut.[3]
Në mars 2011, Alsat u ribrendua si Albanian Screen nën pronësinë e re të magnatit të naftës Rezart Taçi, që njëherësh ishte Drejtor i Përgjithshëm.[4]
Sado që fitonte një qarkullim vjetor prej 323 milionë Lekësh (i treti për nga xhiroja), AS humbiste deri në 30 milionë Lekë në vit. Televizioni i mbylli dyert më 5 qershor 2015 për shkak të falimentimit, duke u likuiduar rrogat e afro 180 punëtorëve.[5][6][7] Pas mbylljes, disa punëtorë edhe e çuan Rezart Taçin në gjykatë për mospagimin e sigurimit shoqëror me të pushuar nga puna.[8]
Remove ads
Programacioni
Si Alsat
- Dita Fillon në Alsat — emision i mëngjesit
- Kontrast — politikë vendase
- Studio e Hapur — analizë politike
- Skaner Kampionat — emision sportiv
- Për Evropën — emision i fokusuar mbi integrimin në Bashkimin Evropian
- Almanak — emision kulturor
- Dossier — emision i aktualiteteve në Kosovë
- Takim Ekskluziv — emision kulturo-politik
- Shpirtra të Lirë — emision arti
- Dita 7 — përmbledhje javore
- Specialja e Ditës — emision i thelluar interviste
- Studio Sprint — emision sportiv
- Të Pathënat e Yjeve — emision rreth kinemasë[9]
Blloqe dokumentare
- Cikël Muzika — dokumentare rreth muzikës
- Mozaik — dokumentare rreth mjekësisë
- Futurizëm — dokumentare rreth astronomisë
- Universi përmes Artit — dokumentare rreth artit dhe kulturës
- Eurokulturë — dokumentare rreth kulturës evropiane[9]
Si Albanian Screen
- Prizëm
- Koha për të Shijuar
- Shine[10]
- Bugajski Hour
- Dritë Hije
- Orhidea
- Buletin
- Oda e Librit
Remove ads
Referime
Lidhje të jashtme
Wikiwand - on
Seamless Wikipedia browsing. On steroids.
Remove ads