Banja e Kllokotit

Banja e Kllokotit është një qendër e njohur termale dhe për shërimin e sëmundjeve të ndryshme që ndodhet në qytezën e Kllokotit.^{[1] [2]}

Banja e Kllokotit

Hyrje

Ujërat termominerale të "Banjës së Kllokotit" është një njësi morfologjike në pjesën juglindore të Kosovës e cila në pjesën qendrore të saj ka të akumuluar ujëra nëntokësore me vlera të larta minerale dhe me temperatura gjithashtu të larta që i bën këto edhe ujëra termale. Vlerat kurative të këtyre ujërave sot prezantohen nëpërmjet Banjes së Kllokotit.^[2]

Ujërat termominerale të kësaj ane janë njohur shumë herët nga banorët e zonës për vlerat e respektuara shëruese të këtij uji. Në vitet 60-të dhe 70-të të shekullit të kaluar kanë filluar investimet në ngritjen e kapaciteteve receptive turistike dhe kapaciteteve të tjera të nevojshme kuruese që u njohën si Banja e Kllokotit të kurorëzuara në vitin 1981. Kjo banjë ndodhet në fshatin Kllokot të komunës së Vitisë52 në distancë prej 15 km nga Vitia dhe 52 km nga Prishtina, në afërsi të rrugës magjistrale që lidh dy qendra të tjera rajonale të afërta, Gjilanin dhe Ferizajn.

Në përgjithësi uji i burimeve termale të kësaj banje arrin temperaturë deri në 370C.^[3] Kjo qendër mjekësore e rehabilituese është në funksion të plotë të shërbimit që nga viti 1981, kur ishte e njohur si qendra më moderne në ish-Jugosllavi. Përkrah cilësive kualitative, banjoja është në një nivel me ato më të njohura në Evropë si psh, Karllovivari në Qeki, Vishnji në France dhe Zheleznovodsaja në Rusi.

Sëmundjet

Në këtë qendër, trajtohen dhe shërohen një varg sëmundjesh, disa prej tyre të përmendura më poshtë :

• 1. ato të sistemit lokomotor (reumatizmi inflamator, degjenerativ dhe jashtnyjor)
• 2. gjendjet postraumatike
• 3. kardio-vaskulare
• 4. sëmundjet kronike të organeve të tretjes
• 5. sëmundjet e veshkëve dhe kanaleve urinare
• 6. të lëkurës
• 7. gjinekologjike

Shërbimet

• 1. Trajtime rehabilituese
• 2. Fizioterapi
• 3. Hidroterapi
• 4.Parafinoterapi
• 5.Kinezoterapi
• 6.Elektroterapi
• 7. Sonoterapi
• 8. Aparate te ndryshme me teknologji te avancuar

Në këtë qendër punon një ekip i plotë i mjekëve me përvoje të gjatë, përfshire kështu edhe specialistë të psikiatrisë. Cilësitë shëruese të kësaj qendre janë të shumta falë burimeve natyrore të ujit termo-mineral. Temperatura e ujit në burim është prej 32-37 gradë celzius. Kushtet klimatike në këtë rajon janë te volitshme dhe qendra përdoret gjatë tërë vitit. Dimrat janë relativisht të shkurtër e me vera të nxehta e të gjata. Erërat gjatë verës janë të drejtimit veriperëndimorë dhe ndihmojnë dukshëm në freskinë e ajrit.

• Kapaciteti : 1250 shtretër
• Vendosja : një apo dy shtretër në çdo dhomë
• Lokacioni : rruga Ferizaj - Gjilan
• Distanca prej Prishtinës : 55 km
• Distanca prej Shkupit : 60 km
• Distanca prej Ferizajit : 21 km
• Distanca prej Gjilanit : 15 km

Shih edhe

• Spa
• Burimi termal
• Banjat e Elbasanit