Fiqri Dine

Fiqri Dine (Maqellarë, 1897 (mars 1898^?[1]) - Bruksel, 26 nëntor 1960) ishte prijës i fisit të Dinejve të Dibrës, ushtarak shqiptar dhe kryeministër Shqipërisë (18 korrik - 29 gusht 1944).

Fiqri Dine
Kryeminstër i Shqipërise
Në detyrë 18 korrik – 28 gusht, 1944
Paraprirë nga	Rexhep bej Mitrovica
Pasuar nga	Ibrahim Biçakçiu
Ministër i Punëve të Brendshme
Në detyrë 23 janar – 11 shkurt 1943
Paraprirë nga	Eqrem bej Libohova
Pasuar nga	Mark Gjon Markaj
Në detyrë 18 korrik 1944 – 28 gusht, 1944
Paraprirë nga	Xhafer Deva
Pasuar nga	Ibrahim Biçakçiu
Të dhëna vetjake
U lind më	1897 Dibra, Perandoria Osmane,
Vdiq më	26 nëntor, 1960 Bruksel
Nënshtetësia	Shqiptare
Partia politike	Balli Kombëtar
Fëmijët	Dine Dine
Punësimi	Politikan, Ushtarake
Nënshkrimi

Jeta

Leu në Maqellarë të krahinës etnografike të Dibrës, djali i parë i Dine Maqellarës, burrë i dëgjuar i atyre anëve. Kreu shkollën e mesme në shehër të Dibrës më 1914 dhe nis akademinë ushtarake në Wels të Austrisë^[2]. Me të mbaruar akademinë ushtarake më 1919, kthehet në atdhe. Në fillim ai punon për disa muaj në funksionin e nëntogerit, në Shkodër. Me formimin e qeverisë të dalë prej Kuvendit të Lushnjës, Fiqiriu inkuadrohet në radhët e xhandarmërisë së Ushtrisë Kombëtare Shqiptare, me gradën e togerit.

Me vazhdimin e detyrës në Shkodër përballet me Luftën e Koplikut, ku vepron bindshëm.

Pas dhjetorit të 1924 me fitoren e Legalitetit, Ahmet Zogolli e emëron si njërin prej katër zonëkomandantëve që do të mbikëqyrnin Shqipërinë e Veriut.

I graduar kolonel pas disa vitesh emërohet Inspektor i Ushtrisë^[3].